argéntina-kirodiye yérim hel qilghuch musabiqisi bügün ötküzülidu

türkiye awazi radiyosi xewiri: qatarda ötküzülüwatqan dunya longqisining birinchi hel qilghuch musabiqisi dohadiki lusayil tenterbiye meydanida ötküzülidu. musabiqe bügün (13-dékabir) enqere waqti 22.00, ürümchi waqti 14-dékabir 01.00 de bashlinidu. musabiqige italiyelik daniyilé orsato (Daniele Orsato) répérliq qilidu.

musabiqe jeryanini 1- t r t, 4K -t r t qanal ékranliri we trtspor.com.tr adrésidin körgili bolidu.

bu musabiqide utqan komanda, marakesh-firansiye musabiqiside ghelibe qilghan komanda bilen hel qilghuch musabiqige chüshidu.

bu qétimqi musabiqe, argéntina komandisi bilen kirodiye komandisining dunya longqisi tarixida üchinchi qétim bir-biri bilen uchrishishi bolup qalidu. 1994-yili dunya longqisida guruppidin chiqish musabiqiside, argéntina komandisi 0 ge qarshi 1 netije bilen kirodiye komandisini utqan idi. 2018-yili rusiyening sahibxanliqida ötküzülgen dunya longqisida, kirodiye komandisi argéntina komandisini 0 ge qarshi 3 netije bilen yenggen idi.