4-qétimliq dunya köchmenlik musabiqiliri iznikte bashlandi

türkiye awazi radiyosi xewiri:jumhur reis rejep tayyip erdoghan iznikte dunya köchmenlik tenterbiye musabiqilirining échilish murasimigha qatnashti we söz qildi.

u: «tunji qétimliq eneniwi köchmenlik musabiqiliri 2014-yili, 2016- we 2018-yilliri qirghizistanning sahibxanliqida ötküzüldi. wuxen wirusi sewebidin 2020-yili ötküzülmigen musabiqilarning 4-qétimliqi, her jayliridin tarix, medeniyet we tebiet purap turidighan iznikte bashlandi» dédi.

u köch medeniyitining insaniyet tarixigha oxshashla qedimkiy ikenlikini eskertip: «insaniyet jemiyetliri minglarche yil boyiche oxshimighan sewebler tüpeylidin özliri turuwatqan jaylardin bashqa jaylargha köchüp yéngi hayat yoli üstide izdengen. oxshash waqitta, mueyyen bir jayda izchil halda yaki pesillerge qarap yer almashturup, hayatini dawamlashturghan jemiyetlermu bar. bu uzun seperler jeryanida özara uchrashqan insaniyet jemiyetliri bir-birige tesir körsetken. hazirqi waqitta, médya we uchur-alaqe wastiliri dunyani kichik bir yézigha aylandurghan bolsimu, köch bügün künde yenila medeniyet we insaniy munasiwetlerning eng ünümlük qoghdighuchisi» dédi.

u insaniyetning minglarche yilliq tarixini namayan qilidighan köchmenlik medeniyitining yoqilip kétishige razi bolmaydighanliqlirini tekitlep: «buning üchün, échilishini emelge ashurghan tenterbiye musabiqiliri yaki buninggha oxshaydighan bashqa paaliyetler köch medeniyitining oxshimaydighan terepliri bilen yashitilishida, muhim paydiliq rol oynaydu dep qaraymiz. köchmenlik medeniyitini dunyagha tonutqan bu paaliyetni, insaniyetning qedimkiy mirasini kelgüsi ewladlargha yetküzüsh wezipisi nuqtisidin intayin muhim dep qaraymen» dédi.