erdoghan tenterbiye cholpanliri bilen bir yerge jem boldi

türkiye awazi radiyosi xewiri: jumhur reis erdoghan, paytext enqerede ötküzülgen «tenterbiye cholpanliri iptar pirogrammisi» da qilghan sözide, mundaq dédi: «siler, türkiyening pexirlik tenheriketchiliri bolisiler, siler bilen birlikte iptar qilghanliqimdin intayin xushalmen. siler dölitimizge tengdashsiz töhpilerni qoshuwatisiler we xelqimizge zor xushalliqlarni élip kéliwatisiler. tenheriketchilirimiz qatnashqan her qandaq xelqaraliq musabiqedin dégüdek quruq qol qaytip kelmeywatidu. bügünki künde, tenheriketchilirimiz kespdashlirining hörmitige sazawer bolush bilen bir waqitta, riqabetlishish intayin müshkül, dep eyminidighan sewiyege yetti. 2020 – yilliq tokyo olimpik tenheriket musabiqisi we méyiplar olimpik tenheriket musabiqiside, tenheriket sahemizde biz altun herpler bilen oyulghan muweppeqiyetlerni qazanduq. siler dunya boyiche 20 minggha yéqin tenheriketchi qatnashqan bu musabiqide jemiy 28 médalgha ériship, millitimiz üchün iptixar menbesige aylandinglar. bizmu hazirghiche dawamliship kelginidek, buningdin kéyinmu pütün imkaniyetlirimiz bilen tenheriketchilirimizni qollashni üzlüksiz dawamlashturimiz. biz hazirghiche san - sanaqsiz muweppeqiyetlerni birlikte qazanghangha oxshash , 2024-yildiki parizh olimpik tenheriket musabiqisidimu birlikte téximu zor utuqlarni qolgha keltürimiz.»