türkiye komandisi musabiqini 4 netije üstünlük bilen axirlashturdi

türkiye awazi radiyosi xewiri: türkiye-moldowa musabiqisi «yéngi eskishehir meydani» da ötküzüldi. moldowa komandisining waratasigha, türkiye komandisining mahirliridin hasan eli bir top, qaan ayxan bir top, jeng tosun ikki top kirgüzdi. türkiye komandisi bu netije bilen, 2020-yilliq yawropa longqisi H guruppidiki shallash musabiqiliride, nomurini 6 ge chiqardi.

türkiye komandisi musabiqe bashlanghandin tartipla reqip komandini bésim astigha aldi. türkiye mahiri hasan eli 24-minutta qarshi terepning waratasigha bir top kirgüzdi. moldowa komandisi birinchi topning jiddiychilikni tügetmey turupla, aridin ikki minut ötkende jeng tosunning yene bir topigha duch keldi. netije 0 ge qarshi 2 boldi.

jaza top pursiti qoldin ketti...

burak yilmaz 54-minutta qolgha kelgen jaza top pursitini qachurup qoydi. tepken top yan terepke ketti. 56-minutta jeng tosun tépilgen bulung toptin paydilinip, qarshi terepning waratasigha yene bir top kirgüzdi we netijini 3 ke chiqardi.

türkiye komandisi musabiqining axirlirida moldowa komandisining waratasini qorshawgha aldi. pursettin paydilanghan qaan ayxan bir kalla top kirgüzüp, netijini 4 ke chiqardi.

türkiye komandisi 15-mart yéngi zélandiyede yüz bergen térrorluq hujumida jénidin ayrilghanlarni untumidi. komanda ezaliri musabiqidin burun beden qizitish jeryanida, yéngi zélandiyediki térrorluq hujumida jénidin ayrilghan dawud nabining axirqi sözi bolghan «yaxshimu sen burader?» (Hello brother) dégen xet yézilghan lozunkini achti.