firansiye hel qilghuch musabiqige qatnishish salahiyitini qolgha keltürdi
2018-yilliq dunya longqisining yérim hel qilghuch musabiqiside, firansiye komandisi bélgiye komandisni 0 ge qarshi 1 netije bilen meghlub qildi.
türkiye awazi radiyosi xewiri: rusiyede ötküzülgen dunya longqisining yérim hel qilghuchta, firansiye bilen bélgiye komandiliri musabiqige chüshti. birinchi meydan musabiqe 0-0 axirlashti. musabiqe bashlinip 51-minutqa kelgende firansiye komandisining mahiri samuél umtiti bir kalla top bilen netijini 1 ge chiqardi. shuning bilen, firansiye hel qilghuchqa qatnishidighan tunji komanda bolup qaldi.
üchinchi qétim dunya longqisi hel qilghuchqa qatnishish salahiyitini qolgha keltürgen firansiye komandisining axirqi reqibi, kirodiye-engliye musabiqiside éniq bolidu. bélgiye komandisi üchinchilikni talishish musabiqisige qaldi.
kirodiye bilen engliye komandisining hel qilghuchqa qatnishish salahiyitini qolgha keltürüsh musabiqisi bügün (11-iyul) ötküzülidu.
