yawropa komandiliri 5-qétim yérim hel qilghuchqa qatnishish salahiyitini qolgha keltürdi
dunya longqisi tarixida, 1934-, 1966-, 1982- we 2006-yildin kéyin, 5-qétim yérim hel qilghuchqa qatnishidighan komandilarning hemmisi yawropa komandiliri boldi.
türkiye awazi radiyosi xewiri:rusiye sahibxanliq qilghan 2018-yilliq dunya longqisining charek hel qilghuch musabiqiliri yawropa chémpiyonluqini talishish musabiqisigha oxshap qaldi.
firansiye komandisi urugway komandisini 0 ge qarshi 2 netije bilen yingip, yérim hel qilghuchqa qatnishish salahiyitige érishti. firansiye dunya longqisi tarixida 6-qétim yérim hel qilghuchqa qatnashqan komanda bolup qaldi.
dunya longqisi tarixida, gérmaniye 13 qétim, biraziliye 11 qétim, italiye sekkiz qétim yérim hel qilghuchqa qatnishish salahiyitini qolgha keltürgen komandilar bolup hésablinidu.
bélgiye komandisi dunya longqisining yultuz komandiliridin biraziliyeni 1 ge qarshi 2 netije bilen yingip, yérim hel qilghuchqa qatnishish salahiyitini qolgha keltürdi. buning bilen, mezkur komanda 1986-yildin kéyin tunji qétim yérim hel hel qilghuchqa qatnashqan komandilar qataridin orun aldi.
engliye uzun yillardin buyan dawamliship kelgen yérim hel qilghuchqa qatnishalmasliq hesritige xatime berdi. engliye komandisi 0 ge qarshi 2 netije bilen shiwétsiye komandisini yengdi we 1966- we 1990-yildin kéyin 3-qétim yérim hel qilghuchqa qatnishish salahiyitige érishti.
kirodiye komandisi 5-qétim qatnashqan dunya longqisi tarixida 2-qétim yérim hel qilghuchqa qatnishishqa muweppeq boldi.
kirodiye-rusiye musabiqiside, musabiqe 1-1 axirlashti, waqit qoshup bérilgen qismida netije 2-2 boldi. sahibxan komanda rusiye 11 qedem topida 4 ke qarshi 3 netije bilen utturup qoydi.
bu netijiler boyiche rusiyede ötküzülgen 21-nöwetlik dunya longqisida, 1934-, 1966-, 1982- we 2006-yilliridin kéyin, 5-qétim yérim hel qilghuchqa qatnishidighan komandilarning hemmisi yawropa komandiliri boldi we bu besh qétimliq dunya longqisining hemmisige yawropa döletlirining sahibxanliq qilishimu alahide diqqetke sazawer boldi.
aldinqi 20 qétimliq dunya longqisida yawropa 11 qétim, jenubiy amérika 9 qétim chémpiyonluqni qolgha keltürgen bolup, buning bilen, chémpiyonluq sanini 12 ge chiqirishni kapalet astigha alghan boldi.
