engliye-kolombiye musabiqisi untulmas xatirilerni qaldurdi
engliye komandisi dunya longqisida 11 qedem topi arqiliq utush-utturushni belgileshte tunji qétim ghelibe qildi.
türkiye awazi radiyosi xewiri: dunya longqisi tarixida bügüngiche 11 qedem topida ghelibe qilalmighan engliye komandisi, bu qétimqi 2018-yilliq dunya longqisining charek hel qilghuchqa qatnishishni 11 qedemdin tépip belgileshte, kolombiye üstidin ghelibe qildi.
engliye-kolombiye musabiqisining 90 minutluq normal waqti toshup waqit qoshup bérilgen qismida, netije 1-1 axirlashti we komandilar 11 qedemdin tépishqa teyyarlandi.
engliye komandisi 11 qedemdin tépishte, 3 ke qarshi 4 netije bilen kolombiye komandisini meghlub qilip, charek hel qilghuchqa qatnishish salahiyitini qolgha keltürdi.
engliye komandisi 1990-yili ötküzülgen dunya longqisining yérim hel hel qilghuch musabiqiside, reqibi gérmaniye komandisi bilen tengleshken we netije 1-1 bolghan idi. bu musabiqining 11 qedemdin tépishte 4 ke qarshi 3 netije bilen gérmaniyege utturup qoyghan idi. 1998-yili ötküzülgen dunya longqisining sekkiz komandisigha kirish musabiqisidimu reqibi argéntina komandisi bilen tengleshken, netije 2-2 bolghan we 11 qedem topida 4 ke qarshi 3 netije bilen utturghan idi. 2006-yildiki dunya longqisi charek hel qilghuchta reqibi gérmaniye bilen riqabetleshken engliye komandisi, 0-0 axirlashqan musabiqining 11 qedem topidiki teqdir belgileshte, 3 ke qarshi 1 netije bilen utturup qoyghan idi.
bu qétimqi engliye-kolombiye musabiqiside, kolombiyelik putbolchi matéyusqa teselliy bergen tirénér jos pékérman bilen engliyelik tirénér garés sawusgéytning körünüshliri, putbolning dostluq rohi üchün untulmas xatirilerni qaldurdi.
