karaman bashyayla qérin qaymiqi

ilker tashqin teripidin teyyarlanghan «türkiyening rayonlargha xas tizimgha élinghan mehsulatliri» namliq sehipimizning bu heptilik sanida, « karaman bashyayla qérin qaymiqi» ni tonushturimiz.

karaman bashyayla qérin qaymiqining türkiyening rayonlargha xas mehsulatliri tizimlikige kirgüzülgen waqti: 07.02.2023

****** ********* ******

türkiyening jenubidiki toros taghlirining éteklirige jaylashqan karaman wilayitige qarashliq bashyayla nahiyesi intayin qiziqarliq bir sériq maygha isimini qoydi. bashyayla qérin qaymiqi 2023 - yili bashyayla nahiyelik déhqanchiliq idarisining iltimasi bilen türkiyening rayonlargha xas tizimgha élinghan mehsulatliri qatarigha kirgüzüldi.

  bashyayla qérin qaymiqi öchke yaki qoyning qérinida teyyarlinidu. kala, bugha, öchke yaki qoy sütidin yasalghan qaymaq üchün, qérin üch ay burun pakize tazilap teyyarlinidu. 1 kilogiram qaymaqqa érishish üchün 25 kilogiram süt ishlitilidu. mehsulatning hazirlinishi üchün alahide usullarmu telep qilinidu. deslepki basquchta, süt séghilghandin kéyin, süzgüchtin ötküzülidu. andin ochaqta qaynitilip, üstide shekillengen qaymaqlar pat-pat yighiwélinidu. qaymaqning ichige azraq tuz qoshup xémirdek yughurulghandin kéyin, qaymaq soghuq muhitta bir mezgil saqlitilidu. andin pakize tazilanghan qéringha héchqandaq boshluq qalmaydighan shekilde chingdap toldurulidu. qaymaq bilen toldurulghan qérinning éghizi yip bilen tikilip mehkem étilidu. az dégende 2 ayghiche nemsiz, quruq jayda, eng yaxshisi soghuq ambarda pishish üchün qoyulidu. pishish yétilish mudditi tamamlanghandin kéyin, qaymaq qérindin toluq chiqirilip muwapiq shekilde orilidu we istémalgha sunilidu.