sakarya abhaz pishliqi

ilker tashqin teripidin teyyarlanghan «türkiyening rayonlargha xas tizimgha élinghan mehsulatliri» namliq sehipimizning bu heptilik sanida, «sakarya abhaz pishliqi» ni tonushturimiz.

sakarya abhaz pishliqining türkiyening rayonlargha xas mehsulatliri tizimlikige kirgüzülgen waqti: 03.05.2021

****** ********* ******

türkiyening qara déngiz sahilidiki sakarya shehirige nechchiligen esirler ilgiri köchüp kelgen kawkazliq abxaz xelqining ismi bilen atalghan «abhaz pishliqi», sakarya soda-sanaetchiler birleshmisining iltimasi bilen 2021 - yili türkiyening rayonlargha xas tizimgha élinghan mehsulatliri qatarigha kirgüzülgen idi.

<abhaz pishliqi> dep atilidighan bu pishlaq, talaliq we sériq renglik bolup, omumen eshme shekillik bolidu.  pishlaqning talaliq qurulmisi sewebidin issiq suda sozulidighan alahidilikke ige.

abhaz pishliqining bashqa pishlaqlardin perqlinidighan eng muhim alahidiliki shuki, qaynitilghan süt 40 giradusqa yetkendin kéyin, uninggha nahayiti az miqdarda qétiq qoshulidu, bir az sowughandin kéyin tebiiy pishlaq échitqusi élawe qilinidu. ichitish jeryanini tamamlinishi üchün süt 1 yérim saet saqlitilidu. andin hasil bolghan arilashma pichaq bilen késilidu. késilgen parchilar asta-asta qolda arilashturghuch bilen qochulup parchilinidu. melum muddet süyi süzülgen arilashma 30 minutqiche qiziq suda qaynitilidu. andin muwapiq chongluqtiki qélip tallinip, qélipning üsti pakize rext bilen orilidu. qélipning ichige qiziq pishlaq parchiliri qoyulidu, andin siqip süyi chiqirilidu. pishlaq pichaq bilen alqan chongluqida parchilargha  bölünidu. parchilanghan pishlaq qayta yene birsaet qaynitilidu. qaynitilghan pishlaq parchiliri yumshashqa, sozulushqa we shekil bérishke muwapiq yumranlishishqa bashlaydu. qaynitish bashquchi tamamlanghandin kéyin, pishlaqqa qurutulghan ösümlükler, bolupmu qara zire we tétitqu qoshulidu. sowutulghan pishlaq parchiliri yirik tuz bilen obdan tuzlanghandin kéyin, mom qeghezge orap, shishilerge chingdimastin qachilinidu we éghizi étilidu. abhaz pishliqi töwen témpératurada ikki ay saqlanghandin kéyin, renggi sériqqa özgirishke bashlaydu. yaxshi yétilip nashtiliq dastixénidin orun élishqa teyyarhalgha kélidu.