erzurum «oltu téshi»

ilker tashqin teripidin teyyarlanghan «türkiyening rayonlargha asasen tizimgha élinghan mehsulatliri» namliq sehipimizning bu heptilik sanida, « erzurum oltu téshi» ni tonushturimiz.

erzurum «oltu téshi» ning tizimlitiilghan waqti: 19.03.2012

 türkiyening sherqiy anadolu rayonidiki eng chong sheherliriing biri bolghan erzurum, bolupmu tesbih we zibu-zinnet ishlepchiqirishta ishlitilidighan hemde namini oltu rayonidin alghan «oltu téshi» bilen meshhur. rayondiki «qara kehriwa» depmu atilidighan oltu téshi 2012 - yili oltu soda-sanaetchiler birleshmisining iltimasi bilen türkiyening rayonlargha xas tizimgha élinghan mehsulatliri qatarigha kirgüzülgen idi. oltu téshi, chilan derixining yer astida tash qatmisigha aylinip qattiqlishishi netijiside shekillinidu. oltu téshining eng közge körünerlik alahidiliki, yer astidin chiqirilghanda intayin yumshaq bolup, hawa bilen uchrashmighan ehwalda yumshaqliqini saqlap qilip, hawa bilen uchrashqan haman qattiqlishidighanliqidur. bu alahidiliki sewebidin oltu téshi oymichiliqi asan, emma pishshiqlap ishlinish jeryanida hawa bilen uchriship qattiqlishidighan we ishletkensiri parqiraydighan göher hésablinidu. u adette qara renglik, bezide qéniq qongur renglik, nadir halda külreng we yéshil renglikmu bolidu. oltu téshi kanlarda «galléri» dep atilidighan kichik kanlardin insan emgiki bilen nahayiti teste chiqirilidu. u asasen tesbih yasashta ishlitilidu, emma qurulmisi téz sunidighan ajiz bolghachqa, uni pishshiqlap ishlesh nahayiti qoyuq qol emgiki we maharet telep qilidu. oltu téshi bedenge tegkende passip énérgiyelerni yoqitip, rohi siqilishni azaytidu, dep qarilidu. aghriqni peseytish xususiyiti sewebidinmu oltu téshi milliy tibabet saheside sozulma xaraktérlik bash aghriqini dawalashta ishlitilidu.