qiziqishlirim bar, chünki

qiziqishlirim bar, chünki

chünki (04)

türkiye awazi radiyosi: bügün nurghunlirimizning turmushida melum mezgil orun alidighan we az sandiki kishiler bolsa, tertiplik dawamlashturidighan bir uqum heqqide, yeni «qiziqish» heqqide toxtilimiz.  sözimizni «qiziqishlirim bar, chünki...» déyish bilen bashlaymiz.

**** **** ** ****

wezipe we kesip sirtida yaxturup qilinidighan, köngül achidighan we aram alduridighan, bosh waqitlarni menilik ötküzidighan paaliyetlerge «qiziqish» dep éniqlima bérilgen bolup, u köngül échish, siqilishni azaytish yaki öginish meqsitide özi yaxturup xushalliq bilen qilidighan paaliyetlerdur. «qiziqish» lar hemmidin muhimi meblegh sélish wastisidur. bu waste arqiliq ottura we uzun muddetlik bir ish bilen tertiplik halda shughullinish, xizmet, aile we ijtimaiy turmushning sirtidiki waqitni yaxshi bashqurush iqtidarigha érishimiz. bu öz nöwitide yene bizning soda we aile turmushimizghimu ijabiy tesirlerni körsitidu.

«qiziqish» kishining yéngi maharetlerni igilishige, qabiliyetlirini tereqqiy qildurushigha we özini yaxshi ipadilishige imkan yaritip béridu. nurghun qiziqishlar oxshash qiziqishtiki kishiler topi ichide hembehirlinip dawamlishidu. bügünki künde alaqe téxnikisida qolgha keltürülgen yuqiri sewiyige tayinip, kishiler dunyaning herqaysi jayliridiki kishiler bilen pikir almashturush arqiliq qiziqishlirini dawamlashturup kelmekte. qiziqish heqqide médya mezmunlirini ishlepchiqirishmu yéqinqi mezgilde omumlashqan bir adet. «qiziqishlar» mana bu nuqtidinmu ijtimaiy alaqe sewiyesi yuqiri adetlerge aylanghan ehwalda turmaqta.

«qiziqish» larning yene bir muhim alahidiliki passip bosh waqitni aktipliq bilen menilik ötküzüshtur. téléwiziye yaki tenterbiye oyunlirini körüsh shunga «qiziqish» qatarida hésablanmaydu. «qiziqish» kishining chalghu chélish we melum alahidilikke asasen toplighan nersilerni retlesh qatarliq jismaniy we rohiy paaliyetlirini bildüridu.

****** ** ******** *******

«qiziqish» larning jismaniy we rohiy saghlamliqigha körsitidighan tesirimu uzun yillardin buyan tetqiqat témisi bolup kelmekte. bolupmu yashliq dewride melum qiziqish bilen tertiplik halda shughullinidighanlarning pisxikiliq ijtimaiy alaqe tereqqiyatining, qiziqishi yoqlargha qarighanda téximu ijabiy bolidighanliqi tetqiqatlar netijiside mueyyenleshtürüldi. her küni kem dégende bir saet «qiziqish» liri bilen shughullinidighanlarning déwenglik késilige giriptar bolush xewpi töwenleydighanliqi bayqaldi. bügünki künde mutexessisler yénik we otturahal chüshkünlükni dawalashtiki klinikiliq usullardin bashqa yene, bimarlarni mueyyen «qiziqishlar» bilen shughullinishqa ilhamlandurmaqta.