mesudiye quruq néni

türkiye awazi radiyosi: türkiyening qara déngiz qirghiqidiki ordu shehirining mesudiye nahiyeside alahide usulda pishurulidighan, muwapiq sharaitta 5 yilghiche saqlap istémal qilghili bolidighan bir xil nan türi bar. rayondiki yaylaq medeniyitining türtkiside barliqqa kelgen «mesudiye quruq néni» ordu sheherlik hökümetning iltimasigha asasen, 2022-yili 11-ayning 22-küni «türkiyening rayonlargha asasen tizimgha élinghan mehsulatliri» qatarigha kirgüzüldi. halqa shekillik bu nanning xémirigha peqet bughday uni, quruq échitqu, su we tuz ishlitilidu. éghirliqi texminen 150 giram kélidighan nanning xémiri 20 minutta échitilidu we bir az tindurulghandin kéyin, halqa sheklide échilidu. xémir halqisi dub yaki qarighay yaghichi bilen 170 giradusqiche qizitilghan tash tonurda 15 minut pishurulup, yérim pishqan halette tonurdin élinidu, sowughandin kéyin yene 15 minut pishurulidu. bu xil usul arqiliq nan telepke uyghun qurutulidu. diyamétiri 25-30 santimétir etrapidiki nanlar pishurulup bolghandin kéyin, témpératurisi 50 giradusqa chüshken tonurgha qoyup, 5 saet etrapida qaytidin toluq qurutulidu. tonurdin chiqirilip bir saet soghutulidighan mesudiye quruq nanliri, hawa ötüshmeydighan shekilde bolaqlinip, sétilidu. mesudiye quruq nanlirini salqin we qurghaq muhitta texminen 5 yil saqlighili bolidu.