asmanlarning we zéminning (xezinilirining) achquchliri allahning ilkididur

türkiye awazi radiyosi: zumer sürisi, 57 - 67 - ayetler. yaki azabni körgen chaghda: «kashki dunyagha qaytishimgha bolsa idi, (u chaghda allahqa itaet qilip) yaxshilardin bolar idim» dep qalmasliq üchün (perwerdigarigha boysunsun)[58]. durus, heqiqeten sanga méning nurghun ayetlirim (yeni hidayetke seweb bolidighan quran) keldi. sen ularni inkar qilding, boyuntawliq qilding, sen kapirladin boldung[59]. qiyamet küni allahqa yalghanni chaplighanlarning yüzlirini qapqara körisen, jehennemde mutekebbirlerge orun yoqmu?[60] allah (shériktin we gunahtin) saqlanghuchilarni bextke érishtüridighan yollar arqiliq (azabtin) qutulduridu, ulargha külpet yetmeydu, ular qayghurmaydu[61]. allah hemme nersini yaratquchidur, hemme nersige hamiydur (ularni xalighanche teserrup qilidu)[62]. asmanlarning we zéminning (xezinilirining) achquchliri allahning ilkididur, allahning ayetlirini inkar qilghanlar - ene shular ziyan tartquchilardur[63]. (i muhemmed!) éytqinki, «i nadanlar! méni allahtin gheyriyge ibadet qilishqa buyrumsiler?»[64] sanga we sendin ilgiriki (peyghember) lerge: «eger sen allahqa shérik keltürseng, séning emeling elwette bikar bolup kétidu, sen elwette ziyan tartquchilardin bolup qalisen, belki yalghuz allahqa ibadet qilghin we shükür qilghuchilardin bolghin» dep wehyi qilindi[65 ـ 66]. ular allahni heqiqiy rewishte tonumidi. qiyamet küni zémin pütünley allahning changgilida bolidu, asmanlar allahning ong qolida qatlinip turidu, allah ular (yeni mushriklar) ning shérik keltürgen nersiliridin paktur we üstündur[67].