pirobiyotik dorilarning shipaliq roli

(doktor mehmet uchar)

 pirobiyotik dorilar dégen néme?

pirobiyotik dorilar déginimiz: istémal qilinghinida, yaki bedenge okul qilinghinida, ten salametlik üchün, bolupmu hezim qilish sistémisi üchün paydiliq bolghan, bedendiki yaxshi baktériyelerni saqlap qélish we eslige keltürüshni meqset qilidighan janliq mikro organizmlarni öz ichige alghan uzuqluqlar we toluqlimilardur.

pirobiyotik dorilar bedendiki paydiliq baktériyelerdin yasilidu. derweqe, bedinimizde herdaim paydiliq we ziyanliq baktériyeler bardur. yuqumlinish körülgen ehwallarda sistémining tengpungluqini buzidighan ziyanliq baktériyeler bedende téximu köp peyda bolushqa bashlaydu, bu waqitta, paydiliq baktériyeler ziyanliqlirini yoqitip, tengpungluqni saqlashqa kapaletlik qilidu. pirobiyotik dorilarni okul qilish bedenge paydiliq baktériyelerni toluqlash usulliridin biridur.

pirobiyotik dorilar janliq mikro organizmlar bolup, uni muwapiq miqdarda istémal qilghanda salametlikimizge aktip töhpe qoshidu. üchey sistémimimizni tengshesh arqiliq saghlam turmush kechürüshimizge kapaletlik qilish, pirobiyotik dorilarning asasliq paydiliridin biridur.

bedinimizning énérgiye ishlitishi we kaloriye miqdarini tengsheydighan pirobiyotik dorilar oruqlishimizghimu yardem béridu.

pirobiyotik dorilarning shipaliq roli

pirobiyotik dorilarning asasliq roli bedenning rolini jari qilduralishi üchün «paydiliq» we «ziyanliq» baktériyelerni tengpunglashturushtur. qoghdighuchi üchey tosuqini kücheytidighan pirobiyotik dorilar, hezim qilish sistémisini, immunitét iqtidarini qollaydu, yallughni kontrol qilish arqiliq beden saghlamliqini qoghdaydu.

• pirobiyotik dorilar bedenge kirgen ozuqluq maddilarning hezim bolushigha kapaletlik qilidu.

• ziyanliq baktériyelerning köpiyishige taqabil turup, késelliklerning aldini alidu.

• witaminlarning érishide ünümi yuqiri.

• uzuqluq arqiliq bedenge qobul qilinghan ziyanliq baktériyelerning qan bilen ariliship kétishining aldini alidu.

• dorilarning parchilinishi we sümürülüshige kapaletlik qilidu.

• bedenning immunitét inkasigha aktip tesir körsitidu.

eng paydiliq tebiiy pirobiyotik dorilar

• boza,

• tarhana,

• nan,

• kéfir

kéfir hezim qilish mesililirini tengshesh arqiliq yuqumlinishtin saqlaydu.

• kapusta shakirabi

kapusta shakirabining terkibide pirobiyotik dorilar, tala, witamin C we  witamin K bardur.

• öyde uyutulghan qétiq

qétiq pirobiyotik dorilar arisidiki eng yaxshi shipa menbesidur. immunitét sistémisini kücheytip, késelliklerdin mudapielinish üchün, her küni bir qacha öyde uyutulghan qétiq istémal qilish, eslide paydiliq pirobiyotik dorilarni istémal qilish bolup, bu arqiliq késelliklerge giriptar bolush xewipini we antibiyotiklar keltürüp chiqarghan ich sürüshni azaytqili bolidu.

• pishlaq

pishlaq witamin we minéral maddilarning sümürülüshini ashuridighan baktériyening rolini oynaydu, yémekliklerni hezim qilishta muhim rol oynaydu we ashqazanning tariyishining aldini alidu.

• organik alma sirkisi

échitilghan mehsulat bolghan alma sirkisi ücheyge paydiliq pirobiyotik dorilarning biri bolup, hezim qilish sistémisini tengsheydu. 

pirobiyotik dorilarning paydiliri ich sürüsh, qewziyet, yel we qorsaq köpüsh qatarliqlargha paydiliq.

pirobiyotik dorilar ashqazan we hezim qilish sistémisigha munasiwetlik mesililerni hel qilishqa yardem béridu. ücheyde yashaydighan paydiliq we ziyanliq baktériyeler otturisida tengpungluq ornitish we paydiliq baktériyelerning sanini ashurush hezim qilish férméntlirini qozghitip, ich sürüsh, qewziyet, yel we qorsaq köpüsh qatarliq mesililerning aldini alidu. ücheyde tengpungluq shekillinishi üchün, terkibide pirobiyotik maddilar mol bolghan yémeklikler bilen ozuqlinishqa toghra kélidu.

pirobiyotik dorilar oruqlashta muhim rol oynaydu

may hedidin ziyade köp yémeklikler, shéker, qentlik yémeklikler we sap karbon su birikmilirini istémal qilish ücheydiki baktériye muhitini qalaymiqanlashturuwétidu. bu heqte élip bérilghan ilmiy tetqiqatlarda körsitilishiche, ücheydiki paydiliq we ziyanliq baktériyeler énérgiye tengpungluqigha kapaletlik qilish we  yagh köplük késilini dawalashta muhim rol oynaydu. paydiliq baktériyeler yémeklik yéghining sümürülüshini toxtitip, chong teretning ajrilip chiqishini tézlitidu.

chong üchey rakigha giriptar bolush éhtimalliqini töwenlitidu

ilmiy tetqiqatlarda körsitilishiche, pishshiqlap ishlengen karbon su birikmilirini köp istémal qilish, qizil göshni daim istémal qilish we töwen tala istémal qilish üchey raklirining ozuqluq sewebliri bolush éhtimalliqi yuqiri iken.

yene bir jehettin, pirobiyotik dorilar ücheydiki baktériye muhitini tengsheshke yardem bérish bilen bille, rakni keltürüp chiqiridighan jeryanlarni toxtitish arqiliq raktin qoghdaydiken.

sezgürlükni azaytidu

pirobiyotik dorilar sezgürlük késili we höl temretkige paydiliqtur, allérgiyelik inkaslargha qarshi tesiri küchlüktur.

 pirobiyotik dorilargha sel qarimang

pirobiyotik dorilardin bashqa, hezim qilghili bolmaydighan karbon su birikmiliri bolghan pirobiyotik dorilarnimu yémek-ichmek tizimlikingizge qoshung. chünki pirobiyotik dorilar baktériyelerning ozuqluq qimmiti bolup, yaxshi baktériyelerning köpiyishini ilgiri süridu.

• (mamkap, piyaz, samsaq, küde, berengge, tatliq zenjiwil qatarliq) yiltiz köktatlirining,

• (sulu, bughday qatarliq) danliq ziraetlerning terkibide pirobiyotik maddilar bar.

terkibide pirobiyotik maddilar bar bolghan uzuqluqlarni bu yémeklikler bilen birlikte istémal qilghinimizda, ularning salametlikimizge bolghan tesiri téximu ashidu.