ـozon bـilen dawalash usuli

(doktor mehmet uchar)

ozon bilen dawalash usuli bediningizdiki bir késellik yaki jarahetni bediningizge ozon gazini okul qilish arqiliq dawalash usulidur. ozon gazi üch oksigén atomi (O3) din terkib tapqan rengsiz gaz bolup, her xil késelliklerni immunitét sistémisini ghidiqlash arqiliq dawalashta ishlitilidu.

tibbiy ozon dégen néme?

ozon bilen dawalash usulida ishlitilidighan tibbiy ozon herdaim sap ozon we sap oksigénning arilashmisidin terkib tapidu. ozonning qoyuqluqi 1 milligiramdin 100 milligiram ariliqida her xil bolidu. dora miqdari bimarning ehwali we diyagnozgha asasen kespiy doxturlar teripidin békitilidu.

• özlükidin immunitlinidighan késellikler, sezgürlük késelliri we yallughlinish késelliklirini dawalashta ünümi yuqiri.

• jarahetni saqaytish we yuqumlinishni dawallashta ishlitilidu.

• wirus, baktériye we zemburugh késelliklirini ozonning mikrobqa qarshi turushtek shipaliq roli arqiliq dawalighili bolidu.

• métabolizm nisbitini ashurup, téximu köp mayni éritidu.

• diyabét bimarliridiki ashqazan asti bézidiki insulin ishlepchiqarghuchi hüjeyrilerdiki jarahetni saqaytidu, diyabét késilini kontrol qilishqa yardem béridu.

• bedendiki sérotonin hormunining ishlepchiqirilishini ashurush arqiliq chüshkünlük alametlirini azaytidu.

• girim buyumliri süpitide ishlitishke bolidu. uning qérishning aldini élishtek shipaliq roli bar. buningdin bashqa yene, zeherlik maddilarni yoqitishni tézlitish arqiliq zeher tazilash ünümini peyda qilidu.

ـozon bـilen dawalashning paydiliri

• ozon gazining wirus we baktériyege qarshi turush roli hemmige melum bolup, jarahetni tazilash, baktériye we wirus keltürüp chiqarghan késelliklerni dawalashta nahayiti köp qollinilidu.

• ozon gazi ghidiqlash roli sewebidin qan aylinish qalaymiqanlashqan ehwallardimu qollinilidu.

• az miqdardiki  ozon  immunitét sistémisini qozghitish arqiliq immunitét sistémisini qozghitidu.

• ozon  sozulma xaraktérlik yallughlinish jeryanlirini öz ichige alghan diyabét, xoléstérin miqdari yuqiri bolush, yuqiri qan bésim we özlükidin immunitlinidighan késelliklerni dawalashta ishlitilidu.

ozon bilen dawalashtin meqset bedenning iqtidarini eslige keltürüsh bolup, qoshumche dawalash usuli hésablinidu. shu wejidin, bimar dawaliniwatqan bolsa, dawalinishni hergiz toxtatmasliqi kérek. ozon bilen dawalash usulidin qoshumche dawalinish sheklide paydilinish kérek.

ozon bilen dawalash usuli

ozon bilen dawalash usuli besh xil bolup, barliq dawalash usullirida ozon gazini hergiz sümürmeslik kérek. ozon bilen dawalash usuli töwendikiche:

• asasliq ozon bilen dawalash usuli - aldi bilen, bimarning qénidin 50-100 millimétir ewrishkisi élinidu, andin ozon gazigha arilashturulidu, arqidin bimarning bedinige okul qilinidu.

• addiy ozon bilen dawalash usuli – aldi bilen, bimarning qénidin 5-10 millimétir élinidu, andin ozon gazigha arilashturulidu, arqidin bimarning moskuligha okul qilinidu.

• hawa xaltisi bilen dawalash usuli – bu bedenning yépiq rayonigha hawa xaltisi arqiliq ozon gazini okul qilish usulidur. bu usul her xil jarahetlerni dawalashta ishlitilidu. aldi bilen, bedendiki jarahet bar rayongha chidamliq hawa xaltisi qoyulidu,  andin bu xaltigha dawamliq okul qilinidu. ozon gazi qurghaq tére teripidin sümürülmigechke, aldi bilen ozonluq su bilen nemdeshke toghra kélidu.

• ozon gazini tüz ücheyge okul qilish usuli - bu ozon gazini meqet arqiliq tüz ücheyge  okul qilish usulidur. bu usul üchey késilige giriptar bolghan yaki qan tomuri tosulup qalghan bimarlarni dawalashta ishlitilidu. bimar dawalash jeryanida héchnimini hés qilmaydu.

• boghum ichige okul qilish usuli – bu ozon gazini boghumgha biwasite okul qilish usuli bolup, barliq boghum késellikliride qollinilidu.

ozon bilen dawalashqa bolmaydighan bimarlar

• ozon bilen dawalash usulini hergizmu énzim kemchil bolghan «purchaqtin zeherlengen bimarlar» gha qollinilishqa bolmaydu. purchaqtin zeherlinish purchaq istémal qilghandin kéyin 48-24 saet ichide körülidighan jiddiy xaraktérlik qan azliq késellikidur. énzim kemchil kishilerde qandiki ozon gazi peyda qilidighan madda almashturush yolliri tosulup qalghan bolidu.

• hamildar we bala émitiwatqan ayallar, haraqkeshlerni bu usulda dawalashqa bolmaydu.

• hamilidar ayallar,

• yuqiri qan bésim üchün qan bésim dorisi yewatqan bimarlar,

• yuqiri sewiyede qan azliq késilige giriptar bolghanlar,

• qan tomur qétishish qatarliq qan késellikliri bimarliri,

• éghir qalqansiman bez késelliki bimarliri,

• sozulma xaraktérlik yaki qayta qozghilidighan ashqazan asti bézi yallughi bimarliri,

• daim tekrarlinidighan moskullar tartiship qélish késellikliri bimarliri,

• ozongha sezgür bolghan ziqqa késili bimarliri,

• yürek késili qozghilip qalghan yaki kontrol qilinmighan yürek qan tomur késellikliri bimarliri,

• qanash  késili bimarlirini ozon bilen dawalashqa bolmaydu.

 ozon bilen dawalashning eks tesiri barmu?

ozon bilen dawalashning héchqandaq ekis tesiri yoq. eger muwapiq miqdarda dora bolmisa, dawalashning paydisi bolmaydu. ozon bilen dawalashni 5-3 qétim bashlighandin kéyin, «yaxshilinish kirizisi» dep atilidighan charchash, bash aghrish we halsizliq qatarliq alametler körülüshi mumkin. dawalash dawamlashqan teqdirde bu alametler özlükidin yoqilidu.

ozon bilen dawalash qanchilik dawamlishidu?

her qétimliqi otturiche 45-30 minut bolghan ozon bilen dawalashni uda 10 – 6 qétim dawamlashturghandin kéyin, ayliq dawalash basquchigha ötüsh tewsiye qilinidu. deslepte heptide ikki qétim, kéyinche ayda bir qétim dawalash tewsiye qilinidu.