okra uruqining salametlikke bolghan paydiliri

(doktor mehmet uchar)

okra uruqi dégen néme?

bügünki künde amma arisida daim tilgha élinidighan okra uruqining terkibide tala maddisi moldur. okra uruqi kichik, qéniq qizil yaki qongur renglik bolup, méwisi pishqandin kéyin hasil bolidu. okra uruqi méwisidin ayrip qurutulidu.

okra uruqining salametlikke qandaq paydisi bar?

 immunitét sistémisini kücheytidu

saghlam usulda uruqlashqa zor töhpe qoshidighan, chong ménge hüjeyrilirining saghlamliqi we yéngilinishigha yardem béridighan okra uruqi, terkibidiki witamin B ning yardimide untughaqliqning aldini élishta ünümlük rol oynaydu. okra uruqi immunitét sistémisini kücheytish arqiliq bedenning késelliklerge qarshi turushida muhim rol oynaydu.

yürekke paydiliq

magniyning qan bésimni töwenlitish we yürek saghlamliqigha körsitidighan tesiri hemmige ayan. okra uruqi del magniyning shipa menbesi hésablinidu. magniy maddisi mol yémekliklerni istémal qilghanda, yürek késili, sekte qatarliq yürek qan tomur késelliklirining xewpini azaytqili bolidu.

xoléstérinni tengpunglashturidu

xoléstérinni töwenlitidighan yémekliklerning biri bolghan okra uruqining terkibide, hezim qilish jeryanida bedenning sümürmey, sirtqa chiqiriwétishini ishqa ashuridighan qoyuq géligha oxshash bir madda bardur. okra uruqi ene shu madda arqiliq xoléstérinni töwenlitidu.

köz saghlamliqigha tesir körsitidu

terkibidiki witamin A we  béta-karotén maddisining yardimide, köz késelliklirining aldini élish arqiliq körüsh tor perdisini qoghdashta muhim rol oynaydu.

börek saghlamliqini qoghdaydu

okraning börek késellikliridin mudapielinish roli bardur. diyabét bimarliri börekning ziyangha uchrishidin saqlinish üchün, okra istémal qilsa bolidu. yene bir jehettin, okraning terkibidiki oksalat maddisi börekke tash chüshüshni keltürüp chiqirishi mumkin.

rakqa qarshi immunitét sistémisini kücheytidu

okra uruqi rakqa qarshi immunitét sistémisini kücheytip, rak hüjeyrilirining shekillinishining aldini alidu. immunitét sistémisigha intayin paydiliq bolghan okra uruqi ziyanliq hüjeyrilerning bedenge kirishi we tarqilishining aldini alidu.

jiddiylik we bésimning aldini alidu

untughaq we diqqitini yighalmaydighan kishiler, shundaqla uyqusizliq we bésim qatarliq mesililiri bar kishiler yémeklik tizimlikige okra uruqini qoshsa bolidu.

 ücheyni tazilap,  oruqlashta ünümlük rol oynaydu

okra uruqining ücheyni boshitishta ünümi yuqiri bolghachqa, métabolizmning tézrek inkas qayturushigha yardem béridu. tala maddisi sayisida qorsaqni toq tutidighan okra uruqi, kaloriye miqdari az bolghanliqi üchün, saghlam usulda oruqlashtimu ünümlük rol oynaydu.

boghum we tiz aghriqlirigha payda qilidu

okra uruqi terkibidiki witamin K ning yardimide söngek saghlamliqini yaxshilash we söngekni eslige keltürüshte alahide ünümge ige. okra uruqini tertiplik istémal qilip bergende, söngek shalanglishish hem söngek késelliklirining xewpini azaytqili, söngek saghlamliqini qoghdighili bolidu. okra uruqi bolupmu yashning chongiyishigha egiship otturigha chiqidighan tiz aghriqlirigha shipadur. tiz aghriqigha giriptar bolghan kishiler okra uruqini xam, pishshiq yaki talqan sheklide istémal qilsa bolidu.

texminen 9-10 okra uruqini biraz qaynaq sugha chilap istémal qilishqimu, chay demlep ichishkimu, qétiq bilen arilashturup istémal qilishqimu, talqan sheklide tamaqlargha arilashturup istémal qilishqimu bolidu.

 jiger saghlamliqini qoghdaydu

okra uruqi jigerni qoghdap, uning yaxshi ishlishige yardem béridu. saghlamliq mesililirini bolupmu ösümlük doriliri bilen hel qilish charisi izdewatqanlar okra uruqini istémal qilsa jiger késelliklirining aldini alalaydu.

diyabét késellirige shipadur

okra uruqi insulinning qarshiliqini azaytishqa yardem béridu, shundaqla oksidlinishqa qarshi turghuchi maddilarning yardimide qandiki qentni tengsheydu.

ziqqa késilige payda qilidu

okra uruqining talqini, hesel we zeytun yéghini arilashturup mejun teyyarlap, istémal qilip bergende, sozulma xaraktérlik kanayche yallughi we ziqqa késilining aldini alghili bolidu.

okra uruqini qandaq istémal qilish kérek?

okra uruqini dan sheklide istémal qilishqa bolghinidek, soqup talqangha aylandurup, tamaqlashqa qoshup istémal qilishqimu bolidu, chay demlep ichishkimu bolidu, qétiq qatarliqlar bilen birlikte istémal qilishqimu bolidu.

9-  10  dane okra uruqini qaynaq suda demlep, ichishkimu bolidu.

okra uruqigha qarita sezgürlüki barlar, sozulma xaraktérlik késeller, her küni tertiplik dora yeydighanlar, hamilidar ayallar doxturdin meslihet sormay okra uruqini istémal qilmasliqi kérek.

witamin K qanning uyulushigha yardem béridu. okraning terkibidiki witamin K maddisi qan suyuldurush doriliri bilen birlikte istémal qilghanda eks tesir peyda qilishi mumkin. shunga qan suyuldurush doriliri ishlitidighanlar téximu éhtiyatchan bolushi, okra uruqini istémal qilishtin burun choqum doxturidin meslihet sorishi kérek.