bir ishni kéchiktürüsh késellikmu yaki horunluqmu?

 gerche bir ishni öz waqtida qilmay kéchiktürüsh xahishi «ademni bizar qilidighan» derijige bérip yetken bolsimu, emma ilmiy sahede bu xahishqa téxi «késellik» dep éniqlima bérilgini yoq.

zamanimizda insanlar eng chong duch kéliwatqan sinaqlardin biri kéchiktürüshtur ... nurghun kishiler özlirining bu mesilige qarshi küresh qiliwatqanliqinimu bilmeydu.

kéchiktürüsh xahishi hemmimizning kündilik hayatida bolidighan bir xahishtur. eslide kéchiktürüsh xahishi «turmush ritimimizning buzulushi» bolup, üzlüksiz dawamlashqan teqdirde, kündilik hayatimizning herqaysi tereplirige selbiy tesir körsitishke bashlaydu. hemme ademde körülidighan bu xahish texminen% 20 ademde waqitning ötüshige egiship «suzulma xaraktérlik xahish» qa aylinip qalidu.

kéchiktürüsh xahishi késellikmu yaki horunluqmu?

kéchiktürüsh xahishi adette «kishilik xahish» dep qaralghanliqtin, köpinche kishiler bu ehwalni peqet «horunluq» depla chüshendüridu. lékin, bu xil xahishqa duch kelgenlerning sanining köpiyishige egiship, ehwalning oylighandek unche addiy emesliki aydinglashti.

gerche bir ishni öz waqtida qilmay kéchiktürüsh xahishi «ademni bizar qilidighan» derijige bérip yetken bolsimu, emma ilmiy sahede bu xahishqa téxi «késellik» dep éniqlima bérilgini yoq.

undaqta (öz waqtida qilishqa tégishlik ishlirimizni) némishqa kéchiktürimiz?

bu toghrida nurghun perezler bar. bu perezlerdin biri heriketlendürgüch küchning kemchil bolushidur. ishni puxta qilidighan kishiler özliri qilishqa tégishlik bir ishni «wayigha yetküzüp qilalmaymen» dep oylighanda kéchiktürüsh yolini tallishi mumkin. bulardin bashqa, yene waqitni yaxshi bashquralmasliq, muweppeqiyet qazinalmasliqtin ensiresh, teshwishlinish, heddidin ziyade hayajanlinish we xizmet tallashning namuwapiq bolushi qatarliq sewebler tüpeylidin kéchiktürüsh yolini tallaymiz.

kéchiktürüsh xahishigha qandaq taqabil turush kérek?

aldi bilen biz bu xahishning bizde baliqini we qanchilik ziyanliq ikenlikini biliwélishimiz kérek. andin toghra we ünümlük waqit bashqurush usulini tereqqiy qildurushimiz kérek. sozulma xaraktérlik kéchiktürgüchiler mesuliyetlirini kéchiktürüsh üchün ammiwi taratqular we intérnétni nahayiti köp ishlitidu. shu wejidin, biz ammiwi taratqulargha serp qilidighan waqitqa cheklime qoyushimiz kérek. shundaqla bir ishni wayigha yetküzüp qilish xahishidin waz kéchishimiz kérek.

kéchiktürüsh xahishi ikki tereplik munasiwetlirimizge, xizmet-mektep turmushimizgha tesir körsetse, mijez - xaraktérimiz özgirip ketse, biz bu xahishni kesp ehlilirining yardimige tayinip birterep qilishimiz kérek.

menbesi: TRT Haber