allah asmanlarni we zéminni heq asasida yaratti

türkiye awazi radiyosi: zumer sürisi, 1 - 5 - ayetler. nahayiti shepqetlik we méhriban allahning ismi bilen bashlaymen.

bu kitab ghalib, hékmet bilen ish qilghuchi allah teripidin nazil qilinghandur[1]. sanga biz (bu) kitabni heqiqeten heq bilen (yeni heqiqetni öz ichige alghan halda) nazil qilduq, diningni shériktin (we riyadin) sap qilghining halda allahqa ibadet qilghin[2]. bilinglarki, (shériktin we riyadin) sap din allahqa xastur, allahni qoyup butlarni himayichi qiliwalghanlar: «bizning ulargha choqunushimiz peqet ularning bizni allahqa yéqinlashturushi üchündur» (deydu). allah heqiqeten (qiyamet küni) ularning ixtilap qilishqan nersiliri üstide höküm chiqiridu, allah heqiqeten yalghanchini, (allahning németlirige) kufriliq qilghuchini hidayet qilmaydu[3]. eger allah bala tutushni xalisa idi, elwette, mexluqat ichidin xalighanni ixtiyar qilatti, allah (bala tutushtin) paktur, u ghalib bir allahtur[4]. allah asmanlarni we zéminni heq asasida yaratti. allah kéchini kündüzge kirgüzidu we kündüzni kéchige kirgüzidu, allah kün bilen ayni (bendilerning menpeetige) boysundurup berdi, ularning her biri mueyyen waqitqiche (yeni qiyametkiche öz oqida) seyr qilidu, bilinglarki, u (yeni allah öz ishida) ghalibtur. (bendilirining gunahlirini) tolimu meghpiret qilghuchidur[5].