üzüm murabbasining shipaliq roli
shipa buliqi (54)
![üzüm murabbasining shipaliq roli](http://cdn.trt.net.tr/images/xlarge/rectangle/99e5/d386/c626/64f7ff824cfd0.jpg?time=1719032423)
üzüm murabbasining shipaliq roli
(doktor mehmet uchar)
üzüm murabbasi terkibidiki antioksidantlar we minéral maddilar jehettin intayin muhim ozuqluq menbesidur.
üzüm murabbasi chüshkünlükke shipadur
eger daim istémal qilinsa, üzüm murabbasi terkibidiki magniyning yardimide chüshkünlük we teshwishsizlik késilingizning yaxshilinishigha töhpe qoshidu. üzüm murabbasining terkibidiki mol magniy maddisi nérwini tinichlanduridu we «xushalliq hormuni» dep atilidighan sérotoninning ishlepchiqirishini ashuridu. bu bolsa rohiy saghlamliqqa zor töhpe qoshidu. uyquni tengshesh iqtidari magniyning rohiy saghlamliqni yaxshilashtiki muhim töhpiliridin biri hésablinidu.
söngek we chish saghlamliqini kücheytidu
üzüm murabbasining terkibide kaltsiy maddisi moldur. kaltsiy salametlik üchün intayin muhim madda. adem bedinidiki eng köp minéral madda bolghan kaltsiyning hemmisi dégüdek söngek we chishimizda bolidu. kaltsiy söngek shalanglishishqa qarshi alahide ünümlük minéral madda.
buningdin bashqa yene, üzüm murabbasi tömür, sélén we misning yaxshi menbesi bolup, bularning hemmisi saghlam söngeklerni qoghdashqa yardem béridu.
qan bésim we yürek saghlamliqini tengsheydu
üzüm murabbasining terkibidiki kaliy maddisi qan bésimni tengpunglashturushqa yardem béridu. kaliy bir tereptin, yuqiri qan bésimni keltürüp chiqiridighan natriyning bedendin tazilinishigha töhpe qoshidu, yene bir tereptin, qan tomurni kéngeytip, qan bésimni töwenlitidu.
buningdin bashqa yene, kaliy yürek saghlamliqini qoghdashqa paydiliq yaxshi éléménttur.
üchey saghlamliqingizni tengsheydu
üzüm murabbasi qewziyetke qarshi shipaliq uzuqluqtur.
rak késilige giriptar bolush xewpini azaytidu
tebiettiki eng küchlük oksidlinishqa qarshi turghuchi maddilardin biri eng köp qizil üzümde bolidu. shunglashqa, üzüm murabbasi oksidlinishqa qarshi turghuchi maddisi eng mol uzuqluq hésablinidu. derweqe bu madda rak hüjeyrilirining bölünüshi, köpiyishi we tarqilishining aldini alidu. buningdin bashqa yene, bu shipaliq terkib rakni dawalash jeryanida otturigha chiqidighan eks tesirlernimu azaytidu.
tére saghlamliqini asraydu
oksidlinishqa qarshi turghuchi maddilar térining saghlamliqigha, rakqa aktip tesir körsitidu. shundaqla téringizge ziyan yetküzidighan erkin radikallarni toxtitish arqiliq téringizning qérish musapisini astilitidu.
tömür kemlik késilige shipadur
üzüm murabbasining terkibide tömür bolghachqa, uni tömür kemlik késilini dawalashta ishlitishke bolidu.
heyzdin burunqi jiddiylishish we heyz késilish alametlirige paydiliqtur
üzüm murabbasining terkibidiki magniy heyz kélishtin burun körülidighan pey tartishish, bash aghrish we keypiyat nacharlishish mesililirini hel qilishta ünümlük rol oynaydu. heyzdin burunqi jiddiylishish mezgilide körülidighan bu alametler heyz mezgilidimu körülüshi mumkin. shunga üzüm murabbasining terkibidiki magniy ayallarning heyz késilish mezgilidiki tesirini azaytidu.
rématizmliq boghum yallughigha shipadur
üzüm murabbasining terkibidiki oksidlinishqa qarshi turghuchi maddilarning yallughning aldini élishta ünümi yuqiri. shu wejidin, üzüm murabbasi istémal qilish rématizmliq boghum yallughigha paydiliqtur.
üzüm murabbasini istémal qilish usuli
üzüm murabbasini daim istémal qilghanda shipaliq rolidin téximu köp paydilanghili bolidu. her küni etigende daim 2 qoshuq üzüm murabbasi istémal qilish tewsiye qilinidu. hemmige melumki, bu xil usulda daim istémal qilghanda, üzüm murabbasi adem bedinini zörür minéral maddilar bilen teminleydu.