«SeamlessM4T» namliq yéngi köp tilliq süniy eqil pirogrammisi
köznek (54)
ijtimaiy alaqe taratqusi magnati Meta <SeamlessM4T> namliq yéngi köp tilliq süniy eqil pirogrammisini tarqatti
türkiye awazi radiyosi: ijtimaiy alaqe taratqusi magnati Meta <SeamlessM4T> namliq yéngi köp tilliq süniy eqil pirogrammisini tarqatti.
ijtimaiy alaqe taratqusi magnati Meta sözlishish we tékist terjimisining köp tilliq süniy eqil modéli SeamlessM4T ni élan qildi.
SeamlessM4T tékist we awazni retlep, kirishtüreleydighan süniy eqil pirogrammisi süpitide «100 xil til» üchün tékisttin awazgha, awazdin tékistke, awazdin awazgha we tékisttin tékistke terjime qilish iqtidarigha ige.
ijtimaiy alaqe taratqusi magnati Meta ning bildürüshiche, bu süniy eqil pirogrammisini ishlepchiqirishtin meqset oxshimighan tillarda sözlishidighan kishilerning özara téximu ünümlük alaqe ornitishigha qolayliq yaritip bérish iken.
SeamlessM4T pirogrammisi doglas adamsning klassik ilmiy fantaziyelik yürüshlük filimidiki mashinigha chiqiwalghuchining samanyoli yétekchisi bir béliq bolghan, quliqigha orunlashturup qoyulghinida sözliyeleydighan, herqandaq bir tilni derhal terjime qilalaydighan babél béliqigha teqlid qilip yasalghan.
SeamlessM4T pirogrammisining nishani xuddi babél béliqigha oxshash kishiler otturisidiki til mesilisini hel qilish iken.
babél béliqigha oxshighan uniwérsal til terjimanini yasap chiqish qiyin. chünki hazirqi awazni awazgha we awazni tékistke terjime qilish sistémiliri dunya tillirining peqet az bir qisminila öz ichige alidu.
Meta aptomatik terjime qilish wasitiliri mulazimetliri bilen teminleydighan tunji süniy eqil shirkitimmu emes.
gugol terjimani 2006 – yildin buyan aptomatik terjime qilish téxnikilirini ishletmekte. derweqe, GPT-4 qatarliq chong til modélliri tillar ara terjime qilish iqtidari bilen dangliqtur.
emma yéqindin buyan, téxnologiye sahesi awaz kirishtürüsh sépide qizip ketti.
9-ayda,OpenAI shirkiti awazdiki nutuqni tonuyalaydighan, hemde buni asasiy jehettin tékistke toghra özgerteleydighan «Whisper» namliq ochuq kodluq awazni tékistke terijime qilish pirogrammisini tarqatti.
SeamlessM4T pirogrammisi her xil tillarni téximu köp tillargha terjime qilish sahesini téximu kéngeytishni nishan qilidu.
