yershari yaltiraq kélishimi dunyaning yaltiraq bilen bulghinishning aldini alalamdu?

yaltiraq (sulyaw) kélishimge munasiwetlik ikkinchi basquchluq hökümetler ara söhbetning nishani, yaltiraq bilen bulghinishqa taqabil turush we téximu imkaniyetlik sijil hel qilish charisi tépish üchün ortaq nishangha yétish toghrisida kélishim hasil qilishtur.

parizh kilimat kélishimidin kéyin, dunya rehberliri muhit asrash mesiliside yéngi kélishim hasil qilish üchün yighin chaqirdi. birleshken döletler teshkilati 2024-yilining axirida imzalashni qobul qilghan bu kélishim yaltiraq bilen bulghinishqa xatime bérish üchün qollinilidighan chare - tedbirlerni öz ichige alidu. herqaysi döletler we chong shirketlerning bu qanuniy küchke ige kélishim mesiliside ortaq tonush hasil qilip – qilalmaydighanliqi qiziq nuqtigha aylandi.

bu kélishim némilerni öz ichige alidu?

birleshken döletler teshkilati muhit asrash pirogrammisining «pütkül dunya qandaq qilghanda sulyaw bilen bulghinishgha xatime bérip, aylanma iqtisad berpa qilalaydu?» témiliq eng yéngi doklatigha qarighanda, eger nöwettiki yaltiraq bilen bulghinishqa taqabil turush xizmiti izchil dawamlashsa, dunya 2040-yilgha barghanda 420 milyon tonna exlet döwiliri hasil qilidiken. lékin téximu yaxshi chare – tedbirlerni qollinip, qalduq yaltiraqni qayta pishshiqlap ishlep paydiliq mehsulatlargha aylandurup, kündilik hayattiki sistémimizgha muweppeqiyetlik maslashtursaq, bu omumiy exlet döwilirining 30 pirsentidin qayta paydilanghili bolidiken.

yaltiraq bilen bulghinishqa qarshi küreshte bu qanuniy küchke ige kélishimning témisini aylanma iqtisad pirinsipigha tayinish we tashlanduqlardin qayta paydilinishni teshwiq qilish qatarliq tedbirler teshkil qilidiken.

yaltiraq bilen bulghinish eng köp asiya qitesidin tarqilidighan bolup, tarqilish nisbiti % 80.99 ge yétidiken.

istémalchilar  bu bu qanuniy küchke ige kélishimge emel qilarmu?

eger 2024-yilining axirida yaltiraq bilen bulghinishni azaytish toghrisida kélishim imzalansa, istémalchilar choqum buninggha emel qilishi kérek. talla bazarliridiki yaltiraq xalta cheklimisi buninggha misal bolalaydu, elwette.

bir tetqiqat netijisige qarighanda, dunyada ottura hésab bilen % 70 kishi yaltiraq bilen bulghinishqa xatime bérish kürishini qollaydiken.

yaltiraq ishlepchiqarghuchilar oxshash qarashta emes

yaltiraq qalduqliridin qayta paydilinish mehsulatlirini ishlepchiqirish mesiliside hemme oxshash qarashta emes. birleshken döletler teshkilati bu heqte chiqirilghan qararlarni qollisimu, emma yaltiraq ishlepchiqirish sahesi bu cheklimilerni xalimaydu. chong néfit - ximiye shirketliri yaltiraq ishlepchiqirish cheklimisidin narazi bolmaqta. shunga bu shirketler kelgüsi 20 yilda sulyaw ishlepchiqirishni ashurushni pilanlimaqta.

déngiz - okyanlar we deryalardiki yaltiraq bilen bulghinishqa asasliqi sulyawni öz ichige alghan yémeklik qachiliri, pilastik shéshiler, haywanat yélimliri, birikme arghamchilar, sulyaw qachilar, béliqchiliqqa munasiwetlik yaltiraqlar, sanaet mehsulatliri oralmiliri, eynek botulkilar we ichimlik ​​qutiliri qatarliqlar seweb bolmaqta.