italiyediki bir türk kenti

italiyede bir «türk kenti» ning barliqini bilemsiz?

italiyening awstriye chégrésigha yéqin moéna kentide héchqandaq bir türk yashimaydu. kent ahalisi héch türkche bilmeydighan we türkiyeni héch körmigen bolushigha qarimay, özliri yashawatqan kentni «türk kenti» dep ataydu. «türk kenti» dep atalghan bu kentte uda üch esirge yéqin waqittin buyan türklerning medeniyiti saqlinip kelmekte.

kent ahalisining türklerge bolghan söygüsi ikkinchi wéyanna qorshawidin kéyin bashlanghan. qorshawdin kéyin yarilanghan osmanli impériyesi armiyesining bir eskiri italiyening kichik bir yézisida panahlinidu. ölüm aldida turuwatqan bu eskerni kent ahalisi dawalaydu. italiyancheni yaxshi bilidighan bu esker selametliki eslige  kelgendin kéyin, yézida olturaqliship, italiyelik bir qizgha öylinidu. «elturko» dep atalghan bu eskerni kent ahalisi intayin yaxshi körüp qalidu.

erkinlikni söyidighan bu türk eskiri kent ahalisidin yuqiri baj almaqchi bolghan xojayinlargha qarshi turidu. elturku déhqanlarni moéna kentini bulang-talang qilmaqchi bolghan gérman xojayinlirigha qarshi chiqishqa ilhamlanduridu. buning netijiside, u baj sistémisini kent ahalisigha paydiliq bir sistémigha aylanduridu. shuning bilen, u bu kentning qehrimanigha aylinidu.

 uning estayidilliqi we tirishchanliqi netijiside, rayon xelqi uni we türk örp-adetlirini intayin yaxshi körüp qaliduki, u wapat bolghandin kéyinmu kentte türk örp-adetliri üzlüksiz dawamlishidu.

 uning wapatidin kéyin, her yili awghustta ötküzülidighan xatirilesh murasimliri waqitning ötüshige egiship féstiwalgha aylinidu. bu kenette 19-awghusttin 21-awghustqiche bolghan ariliqta ötküzülidighan «türk féstiwali» mezgilide, bu kent qizil we aq rengge pürkünidu. her bir öyning dériziside türkiye bayriqi lepildeydu.   yashlar yenicheri eskerlirining kiyimlirini kiyip,  türk yürüshi féstiwali élip baridu. yürüshtin kéyin, «elturko» namida yasalghan bulaqqa gül – chéchek qoyulidu. féstiwal mezgilide, türk taamlirimu teyyarlinip, körgezme saheliride körgezme qilinidu.

qisqisi, moéna ahalisi buningdin üch esir ilgiri bu kentte olturaqlashqan türkni özlirining ejdadi dep qaraydu.