bash képikining aldini élishning tebiiy chare - tedbirliri

(doktor mehmet uchar)

képek؛ tére qichishish we bash térining üstünki qewitidiki ölük hüjeyrilerning parchilirining tökülüshi netijiside otturigha chiqidighan bir xil tére késellikidur. képek yuqumluq késel emestur.

bash képikini dawalashta bimarning yéshi we képekning éghirliq derijisi qatarliq amillarni közde tutush kérek. derijisi éghir képek mesililiride tére késellikliri mutexessisliridin meslihet sorash zörür. otturahal képek mesililiride képekni tebiiy dawalash usulliri arqiliq yoqitishqa bolidu. biraq, tebiiy dawalash usullirini qollinishtin burun choqum tére késellikliri doxturidin meslihet sorash kérek.

bash képikining aldini élishning tebiiy chare - tedbirliri töwendikiche:

• bash képikige qarshi turmush aditingizni özgertishingiz intayin muhim.

• bésimni bashqurushni öginiwéling: bésim chach képek bolushning asasliq sewebliridin biri. bésim bashlanghan peytlerde achchiqlinishni kontrol qilish arqiliq bediningizdiki teshwish we bésimni yoqiting.

• quyash nurining bash képiki mesilisige bolghan aktip tesiri tüpeylidin, bash téringizning muwapiq waqitta aptapqa qaqlinishigha kapaletlik qiling.

• chachni heptide 2 yaki 3 qétim yuyush kérek. chachni yuyush jeryanida soghuq yaki issiq su ishletmeslik kérek.

• chéchingizni yuyghanda, pakiz yuyup, sopun we chach sopunlirining qalduqlirini chiqiriwéting.

• shekil tüzesh mehsulatlirini ishletmeng: chach pürküsh, shekil tüzesh suyuqluqliri, chach köpükchiliri chach téringizning heddidin ziyade mayliship kétishini keltürüp chiqiridu. bu mehsulatlarni ximiyelik terkibler bilen bille ishlitishtin saqlining.

· chach képiki éghir bolghan mezgilde, chach qurutquch, tüzligüch qatarliqlar arqiliq chach térisini heddidin ziyade qurutuwétishtin saqlinish lazim.

· saghlam ozuqlining: terkibide sink we witamin B kemchil bolghan yémek-ichmeklerni istémal qilghanda képek mesililirini keltürüp chiqiridu. yéterlik sink we witamin B mol bolghan yémek-ichmekler bilen uzuqlinish képekning aldini alidu. witamin A, witamin B we sinkning qobul qilish miqdarini ashurush witamin kemliktin kélip chiqidighan képekning aldini élishta ünümi nahayiti yuqiri.

• képektin qutulushning eng qolay chare - tedbirliridin biri képekke qarshi tesiri küchlük chach sopuni ishlitishtur. eger chach mayliq bolsa, chachni her küni chach sopuni bilen yuyush képekning aldini alidu.

· bash képiki bar ademde mayliq tére yallughi yaki képekke oxshap kétidighan bir xil tére késili bolushi mumkin. mexsus tére késellikliri doxturliri chach we bash térisini körüsh arqiliq késellikke diyagnoz qoysa bolidu.

bash képikini tebiiy dawalash usulliri töwendikiche:

• tebiiy chach sopuni

qayta qozghilishchan képek mesililirining aldini élish üchün, téridiki mayni tengpunglashturidighan chach sopuni ishlitish kérek. eger képek mesilisi chach térisining heddidin ziyade qurghaqlishishidin kélip chiqqan bolsa, doriliq chach sopuni ishlitish kérek.

• organik alma sirkesi

képekni yoqitishning tebiiy dawalash usulliridin biri organik alma sirkesi ishlitishtur. bir qacha sugha azraq alma sirkesi arilashturup, yuyunup bolghandin kéyin, eng axirqi qétim chachni bu su bilen yuyush kérek.

• tebiiy maylar

chachtiki képek mesilisini hel qilishning yene bir usuli chach sopunigha tebiiy aromatik dawalash méyi qoshushtur.

doriliq pinne uchushchan méyi: daim ishlitidighan chach sopunigha 20 tamche doriliq pinne uchushchan méyi témitilidu. chach sopunini mushu usulda ishlitishke bashlap, bir mezgil ötkendin kéyin, képekliringiz yoqap kétishi mumkin.

chay derixi uchushchan méyi: chay derixi uchushchan méyining képeksiman perde yallughigha qarshi turush we yallugh qayturush xususiyitige ige ikenliki ispatlandi. chay derixi uchushchan méyining képekning shekillinishini keltürüp chiqiridighan bir xil temretkige taqabil turushta ünümi yuqiri.

térisi sezgür kishilerde chay derixi uchushchan méyi qichishqaqni keltürüp chiqirishi mumkin. shunga uni térige biwasite sürüshtin burun kokus méyi qatarliq toshughuchi maylar bilen suyuldurush kérek.

kokus yéghi: kokus méyi képek shekillinishni keltürüp chiqiridighan mikroblargha qarshi küresh qilidu. uning nemlik saqlash xususiyiti térining nemlikini ashuridu, höl temretke we képek peyda bolush alametlirini azaytidu.

aloy: aloyning mikrob we temretkening aldini élish roli bar.

bash térisini nemdesh üchün gül méyi bilen uwulashmu paydiliqtur.

chach yiltizining tebiiy nemlikini eslige keltürüsh üchün belizgül süyining shipaliq rolidinmu baydilinish mumkin.

• pirébiyotik qobul qilish miqdarini ashurush

pirobiyotik qobul qilish miqdarini ashurush arqiliq otturahal we éghir derijidiki bash képiki mesilisini azaytqili bolidighanliqi ispatlandi. mölcherlinishiche, pirobiyotik qobul qilish immunitét sistémisini kücheytip, képekning shekillinishini azaytidiken.

• oméga -3 qobul qilish miqdarini ashurush

oméga -3 yagh kislataliri tére saghlamliqi üchün intayin muhim. u térining may ishlepchiqirishigha we nemlik saqlishigha yardem bérish bilen bille, jarahetning eslige kélishini qollaydu we baldur qérishning aldini alidu. oméga-3 yagh kislatalirining kemliki chach qurghaqlishish, tére qurghaqlishish, hetta képek qatarliq  bir qatar késellik alametlirini keltürüp chiqiridu.

salmon béliqi, trut béliqi, kök chipar béliq qatarliq mayliq béliqlar oméga-3 yagh kislatalirining mukemmel uzuqluq menbesidur.

buningdin bashqa yene, bir béliq méyini toluqlima uzuqluq süpitide istémal qilsingizmu yaki zighir uruqi we yangaq qatarliq terkibide oméga-3 mol bolghan bashqa yémekliklerni istémal qilish miqdarini ashursingizmu bolidu.

• karbonat yaki échitqu

képekni yoqitishqa paydiliq emeliy hel qilish chare – tedbirliri arisida höl chach térisige az miqdarda échitqu yaki karbonat sürüp uwulash usulimu intayin muhim. höl chéchingizgha az miqdarda karbonat yaki échitqu sürüp, barmaqliringizning uchi bilen uwulighandin kéyin, chéchingizni yuysingiz bolidu.