glutation toluqlimisining shipaliq roli

(doktor mehmet uchar)

glutation toluqlima süpitide qobul qilinidu. adette immunitét sistémisini kücheytish üchün ishlitilidighan glutation, intayin yaxshi antioksidant hésablinidu.

glutation eslide bedinimizdiki hüjeyrilerning tebiiy qurulmisidiki aqsil birikmiliridur. qérish we ozuqluq yétishmeslik sewebidin waqitning ötüshige egiship glutation menbeliri aziyidu. jiger teripidin ishlepchiqirilidighan glutation, hüjeyrilerning buzulushigha qarshi tosuq rolini oynaydu. uning yene jigerni ximiyelik maddilardin tazilash iqtidarimu bar. glutation immunitét sistémisini kücheytish, hüjeyrilerning ösüshi we buzulushini bashqurushta muhim rol oynaydu.

• glutation mol yémeklikler

bedinimizning glutation menbelirining mol bolushigha bezi yémeklikler arqiliq kapaletlik qilalaymiz. glutationning sewiyesini ashurush üchün, terkibide glutation bar yémekliklerni istémal qilish kérek.

günggürt maddisi mol bolghan samsaq, piyaz, brokkoli, yésiwilek, nasturtium oti, qicha chéchiki, kökchéchek,  shalgam qatarliqlar, jigerdiki glutationning ishlepchiqirilishini ashurushqa yardem béridighan uzuqluqlardindur.

palek, pérséye neshpüti, merwayitgül, kökmuch we okra qatarliq uzuqluqlarning terkibide biwasite glutation bar, emma bu uzuqlarni saqlash we pishurush jeryanda glutationning miqdari aziyip kétishi mumkin.

terkibide glutation bar bashqa uzuqluqlar wuta yésiwilek, biryussél maysisi, tatliq zenjiwil, yawropa kerepshisi, kawa, üzüm apélsin, sewze, berengge, orman yangiqi, purchaq türidikiler we zighir qatarliqlarni öz ichige alidu.

qoghun, pemidur, apélsin, tawuz, belizgül, qizilmuch, shaptul, limon, mango, banan, gül kerem, yangaq, terxemek, alma, üzüm qatarliqlarning terkibidimu glutation bar.

böljürgen, sitris méwiliri, kiwi we kökmuch qatarliq witamin C mol uzuqluqlarmu glutation menbelirini toluqlaydighan yémekliklerdur.

qizil gösh, béliq we toxu göshi, tuxum, süt we süt mehsulatliri, pishlaq süyi eng muhim glutation menbeliridur.

glutation ishlepchiqirishni qozghitidighan tétitqular zerchiwe, zire, darchin, qaqile we siyadandur.

glutationmu uyqusizliqning selbiy tesirige uchraydu. daim yéterlik aram élish, glutation sewiyelirini ashurushqa yardem béridu.

sélénmu glutation ishlepchiqirishtiki kem bolsa bolmaydighan minéral maddilardin biri. biraziliye yangiqi, tunnus béliqi, sardin béliqi, salmon béliqi qatarliq béliqlar, tuxum, süzme pishlaq, jiger, gazir, qongur gürüch, bughday  piyaz, samsaq, yer mediki qatarliqlar sélén maddisi mol yémekliklerdur.

• glutation kemlikning sewebliri

glutation kemlikning sewebi ozuqluq yétishmeslik, muhittiki zeherlik maddilar, bésim we qérish qatarliqlardur. rak, diyabét, parkinson késili we sériqliq chüshüsh qatarliq késelliklerdimu glutationning miqdari töwen bolidu.

• glutation kemlikning alametliri

glutation kemlikning alametliri, bir kishining yénik, otturahal yaki éghir késel bolushigha baghliqtur. yénik derijidiki glutation kemlikning asasliq sewebi qan azliqtur. qan azliqning alametliri harghinliq, tére renggining susluqi, bash qéyish we nepes siqilishtur. bezi kishilerning talliri mölcherdikidinmu chong bolushi mumkin.

otturahal glutation kemlikning alametliri köngül aynish, qusush we harghinliqtur.

éghir derijidiki glutation kemlikmu méngige tesir körsitip, nérwa xaraktérlik mesililerni keltürüp chiqiridu.

nérwa késellikliri töwendikilerni öz ichige alidu:

 tutqaqliq, rohiy heriketni kontrol qilalmasliq, ösüp yétilishning kéchikishi we tili chiqishning tes bolushi.

 éghir derijidiki glutation kemlikte, bezi balilarning muskuli intayin qattiq bolidu. bu tekrarlinidighan baktériye xaraktérlik yuqumlinish xewipini ashuruwétishi mumkin. shuning bilen bir waqitta, közgimu tesir körsitishi mumkin.

• glutation toluqlimisi arqiliq dawalash qaysi késelliklerge paydiliq?

glutation toluqlash üchün glutation toluqlimisi arqiliq dawalash usulidin paydilinish mumkin. glutation toluqlimisining paydiliri töwendikiche:

• immunitét sistémisini qollaydu,

• witamin C we E ni janlanduridu,

• erkin radikallarni parchilaydu,

• bezi férméntlarni aktiplashturidu,

• mayning parchilinishi üchün jiger we öt xaltisigha yardem béridu,

• zeherlik maddilarni katalizlashturidu,

• (déoksi ribonukléik kislata) DNA ni shekillendüridu we zeximlerni rémont qilidu.

glutation arqiliq dawalighili bolidighan késellikler töwendikiche:

• yürek késili, artériye qétishish qatarliq yürek qan tomur késellikliri,

• yuqiri xoléstérin,

• bughum rématizmi,

• yuqumluq késellikler,

• rak,

• alzimér késelliki,

• parkinson késili,

• diyabét késili,

• söngek boghum yallughi,

• köz göhirige aq chüshüsh késelliki,

• ziqqa késili,

• sériqliq qatarliq jiger késellikliri,

• asta xaraktérlik charchash uniwérsal késelliki,

• qan tomur qétishish késelliki,

• üchey yallughi,

• glawkoma késelliki,

• yürek késellikliri,

• adettiki jiger késellikliri.

glutationning paydliri nezerde tutulghinida, glutationning eng chong paydisi uning antioksidant alahidilikidur. chünki antioksidantlar, bedendiki erkin radikallarning tereqqiy qilishigha egiship kélip chiqidighan chirishke qarshi küreshchilerdur. mutexessislerning qarishiche, erkin radikallarning mewjut bolushi sozulma xaraktérlik rak, immunitét sistémisi özlikidin qalaymiqanlishish, köz göhirige aq chüshüsh késelliki, rématizm késellikliri, yürek qan tomur késellikliri we nérwa késelliklirini keltürüp chiqiridiken.

parkinson we alzimér qatarliq nérwa zexmilengen késelliklerge glutation toluqlimisi paydiliq iken. chünki glutation kemlikide parkinson késili otturigha chiqidiken. lékin, glutation toluqlimisini choqum yémekliktin qobul qilish shert iken.

• glutation toluqlimisi arqiliq dawalash usuli qandaq?

glutation kemlikte «glutation toluqlimisi arqiliq dawalash usuli» qollinilidu. glutation toluqlimisi arqiliq dawalash usuli peqet glutation kem bolghan ehwal astidila doxturning kontrolluqida qollinilidu. glutation toluqlimisini dora sheklide éghiz arqiliq yaki tomurdin, weyaki glutation qan sheklide ishlitishke bolidu. glutation toluqlimisi doxtur muwapiq dep qarighan miqdarda bérilidu.

• glutationning ziyanliq terepliri we eks tesiri barmu?

• toluqlash jeryanda glutationning eks tesirliri körülüshi mumkin. bu eks tesirlerdin biri qorsaq aghrish we qorsaq köpüshtur.

• bezi kishilerde nepes qiyinlishish we ziyade sizimliq eks tesir körülüshi mumkin. ziqqa késili bar bezi kishiler üchün glutation toluqlimisini suyuqluq dora sheklide ichish xeterlik bolushi mumkin.

• uzun muddetlik glutation toluqlimisi arqiliq dawalash usulimu sinik sewiyelirini töwenlitiwétishi mumkin.

• hamilidar we bala émitiwatqan ayallar glutation toluqlimisini istémal qilmasliqi kérek.