mughlaning qarighay derixi hesili

türkiyediki hesel ishlepchiqirishning töttin bir qismining moghlada ishlepchiqirilidighanliqini bilemsiz?

hesel qedimki dewrlerdin buyan insanlar üchün eng muhim uzuqluq menbelirining biridur. dunyadiki we türkiyediki hesel ishlepchiqirishning muhim bir qismi mughla rayonida ishqa ashurulidu. bu rayonning qish pesli illiq bolghachqa, bu rayon hesel herisi baqquchilarni yil boyi cheksiz gül menbesi bilenmu teminleydu. shuning bilen bir waqitta, sétris we badam türliridin terkib tapqan chong  méwilik baghlarmu rayonluq hesel herisi béqishta intayin muhim.

 bu rayonning yene bir bayliqi  bolsa éren derixidur. tatliq  bir derex bolghan we mughla wilayitining herqaysi nahiyeliride yétishidighan «anadolu éren derixi» ning gül chéngi, mikrob öltürgüchi shipaliq roli sayisida intayin qimmetliktur. biraq, keng qarighayzarliqliri tüpeyli, mughlaning asasliq hesel herisi mehsulati qarighay derixi hesilidur. mughla rayonidiki qarighay derixi hesili ishlepchiqirish sheherning tarixigha oxshashla konidur.

qarighay derixi hesili hesel herisi gül chéchikidin emes, belki aqdéngiz iqlimigha xas bir qisim qarighay derixi türlirining gholida yashaydighan wasitichi bir hasharat suyuqluq maddisidin ishlepchiqiridighan özgiche heseldur. qarighay derixi hesilini ishlepchiqiridighan we ana wetini türkiye bolghan bu hasharat peqet «türkiye qarighayzarliqi» dep atalghan  qizil qarighayzarliq we heleb qarighayrliqida yashaydu.

türkiye éksport qiliwatqan heselning hemmisi dégüdek qarighay derixi hesilidur. qarighay derixi hesili uzun waqit kiristallashmasliq we shipaliq uzuqluq xususiyitige ige bolghanliqi üchün, tébabetchilik we yémeklik sanaitide ishlitilish dairisi nahayiti kengdur.

 qéniq renglik mughla qarighay derixi hesilining roshen alahidiliki shuki, uning terkibide tömür, mangan we sinik qatarliq küchlük minéral maddilar bar.

tetqiqatlarda, mughlada ishlepchiqirilidighan qarighay derixi hesilining mikrobqa qarshi turush rolining nahayiti yuqiri ikenlikimu ispatlandi.