kiwining shipaliq roli

(doktor mehmet uchar)

oksidlinishqa qarshi turghuchi kiwining terkibide witamin C, diyet talasi we muhim ozuqluq qimmiti bar. buningdin bashqa yene, uning terkibide kaltsiy, tömür, magniy, fosfor we kaliy bar.

• ziqqa bimarlirigha yardemchi bolidu

kiwining terkibide witamin C we oksidlinishqa qarshi turghuchi maddilar intayin mol bolup, ziqqa bimarliridiki nepes qiyinlishish we nepes tarliqi qatarliq késellik alametlirini azaytishqa yardem béridu. kiwining ziqqa késilige bolghan aktip tesirini balilarda köprek körgili bolidu.

• ashqazan saghlamliqini qoghdaydu.

kiwi qayta qozghilish, yara we ashqazan yallughining shekillinishining aldini alidu. xususiyiti sewebidin kiwining terkibide ishqarliq alahidiliki bolghachqa, ashqazanning saghlamliqini qoghdashqa yardem béridu.

• keypiyat qalaymiqanchiliqida ishlitilidu

kiwining terkibide xushalliq hormuni bolghan sérotonin bar. shu wejidin, kiwi xushalliq hormunining ajrilip chiqishini keltürüp chiqirish arqiliq chüshkünlüktin mudapielinish rolini oynaydu.

• immunitét küchini ashuridu

witamin C ning eng muhim tesirliridin biri bolghan immunitét küchini ashuridu.

• kiwining qan tazilash alahidiliki bar.

• hezim qilishni qollaydu

kiwi ériydighan we érimeydighan talalirining sayisida hezim qilishni qollaydu. ériydighan talaliri ücheyning saghlam xizmet qilishi üchün kéreklik paydiliq baktériye hasil qilishqa yardem béridu. érimeydighan talaliri bolsa suni tutidu we hezim qilish jeryanida kéngiyip, chong teret qilishni qolaylashturidu. shundaqla, hezim qilishni tézlitidu we ücheyning heriketlirining tengpungluqigha kapaletlik qilidu. bu méwini daim tala bilen birlikte istémal qilghanda qewziyetning aldini alghili bolidu.

• yürekke paydiliq

oksidlinishqa qarshi turghuchi maddilar, kaliy we talalar yürek saghlamliqida muhim rol oynaydu. kaliy qan tomurlarni boshitip, qan bésimni turaqlashturushqa yardem béridu. töwen kaloriyelik méwe bolghan kiwining yaxshi xoléstérinni ashurush roli bar.

uning qanni shalanglitish roli yürek qan tomur saghlamliqi üchün intayin muhim.

• kiwining rakqa qarshi turush roli bar

kiwi talaliq alahidiliki sayisida üchey rakining aldini alidu.

• oruqlashqa yardem béridu

kiwining her 100 giramining terkibide 61 kaloriye bar bolup, bolupmu talaliri sewebidin «muhim uzuqluqlar tizimliki» mizge kirgüzüshimiz tewsiye qilinidu. kiwining oruqlashqa paydisi bar bolup, talaliq alahidiliki sayisida uzun muddet toq tutidu. buningdin bashqa yene, tala qandiki qentni tengpunglashturushqa yardem béridu.

• térini yashartidu

kiwining tére saghlamliqigha bolghan paydisi nahayiti köp bolup, téridiki kollagén toqulmilirini köpeytish arqiliq térini chingitip, qérish alametlirini yoqitidu. u térining nemlik tengpungluqini saqlashqimu paydiliqtur.

kiwi téridiki qérish alametlirini azaytishqa yardem béridu.

• chach saghlamliqini ashuridu

kiwining terkibide witamin C we E bar  bolup,chach chüshüshning aldini alidu. terkibidiki magniy, kaliy we sinik qan aylinishni tézlitip, chachning ösüshige yardem béridu.

• közge paydiliq

kiwining terkibidiki shipaliq maddilar köz késelliklirining aldini élish we körüsh quwwitini yaxshilashqa yardem béridu.

• hamilidarliq mezgilide ozuqluqlinishta oynaydighan roli intayin muhim

kiwi  terkibidiki folik kislatasi sayisida hamilidarlargha bolghan paydiliri intayin köptur.

• söngek saghlamliqini qoghdaydu

kiwi terkibidiki witamin K sayisida söngek saghlamliqini qollaydu. witamin K din sirt yene,  terkibidiki kaltsiy we fosfor söngek saghlamliqini ashuridu. yashning chongiyishigha egiship körülidighan söngek shalanglishishning aldini élish üchün, kiwini «muhim ozuqluqluqlar tizimliki» ge  kirgüzüsh kérek.

• yallughqa qarshi küreshchidur

kiwi yallughni dawalashta ünümi nahayiti yuqiri bolup, boghum aghriqliri bilen munasiwetlik yallughni azaytidu.

• su yardimi bilen teminleydu

% 90 ke yéqin sudin terkib tapqan bu méwe beden témpératurisini saqlash, térini buzulushtin qoghdash we ozuqluqni hezim qilishta oynaydighan roli intayin muhim.

künige ottura hésab bilen 2 dane istémal qilghanda, kiwining saghlamliqni ashurushta oynaydighan rolidin ünümlük paydilinishqa bolidu.

• kiwini istémal qilishta qaysi nuqtilargha diqqet qilish kérek?

1 - sezgürlük késili: kiwige qarshi sezgürlük bar kishilerde, qusush, eswe, til , éghiz we kalpuk qichishish, nepes qiyinlishish, yüz ishshish, bash qéyish we ashqazan asti bézide ishshiq körülishi mumkin.

2 - eger siz kaliy qollaydighan dorilarni istémal qiliwatqan bolsingiz, kiwi bilen qobul qilidighan kaliy bek köp bolushi mumkin.

3 - witamin K ning küchlük menbesi bolghan kiwi istémal qilish, qan tazilash dorilirining tesirini yoqitiwétidighanliqi üchün, qan tazilash dorisi ishlitiwatqan yürek bimarlirigha, witamin K ning küchlük menbesi bolghan kiwi istémal qilish  mas kelmesliki mumkin.