perwerdigarining ayetliridin yüz örügen ademdinmu zalim adem barmu?
biz gunahkarlarni choqum jazalaymiz.
perwerdigarining ayetliridin yüz örügen ademdinmu zalim adem barmu?
türkiye awazi radiyosi: sejde sürisi, 21 - 30 - ayetler. ularning tewbe qilishi üchün biz ulargha choqum eng chong azabtin (yeni axiret azabidin) ilgiri eng yéqinqi azab (yeni dunya azabi) ni tétitimiz[21]. perwerdigarining ayetliri bilen wez ـ nesihet qilinghan, andin uningdin yüz örügen ademdinmu zalim adem barmu? biz gunahkarlarni choqum jazalaymiz[22]. shek ـ shübhisizki, biz musagha kitab (yeni tewratni) ata qilduq. (i muhemmed!) sen (miraj kéchiside, ya qiyamet künide) musagha mulaqat bolushtin sheklenmigin, biz tewratni israil ewladigha yétekchi qilduq[23]. ular (külpetlerge) sewr qilghan, bizning ayetlirimizge jezmen ishengen chaghda, ulardin bir qisim kishilerni bizning emrimiz bilen toghra yol körsitidighan péshwalar qilduq[24]. séning perwerdigaring qiyamet küni ularning arisida ular ixtilap qilishqan (diniy) ishlar üstide elwette höküm chiqiridu[25]. ulardin ilgiri ötken qanchilighan ümmetlerni halak qilghanliqimizni ular bilmemdu? ular (yeni mekkilikler) ular (yeni halak bolghanlar) ning yurtidin ötüp turidu, buningda (bizning qudritimizning chongluqini körsitidighan) nurghun deliller bar, ular anglimamdu?[26]. ular körmemduki, biz giyahsiz zémingha yamghur süyini sürüp élip barimiz, uning bilen ularning haywanatliri we özliri yeydighan ziraetlerni ündürüp chiqirimiz, ular (buni) körmemdu?[27]. ular (yeni mekke kuffarliri mesxire qilish yüzisidin): «(biz bilen silerning aranglarda chiqirilidighan) bu höküm qachan emelge ashidu? eger siler (dewayinglarda) rastchil bolsanglar (éytip béringlar)» deydu[28]. éytqinki, «höküm chiqirilidighan künde kapirlarning éytqan imanining paydisi bolmaydu, ulargha möhletmu bérilmeydu»[29]. sen ulardin yüz örügin (yeni sözlirige perwa qilip ketmigin). sen (allahning ulargha chüshidighan azabini) kütkin, ularmu heqiqeten (silerge chüshidighan nersilerni) kütküchilerdur[30].