yötelni tebiiy dawalash usulliri

(doktor mehmet uchar)

tebiiy dawalash usulliri yötelni asan bir terep qilishingizgha yardem béridu.

• ichidighan suni köpeyting

üstünki nepes yoli yuqumlinishtin kélip chiqidighan burun éqish, kékirdekni ghidiqlap, yötelni keltürüp chiqiridu. burun éqishni shalanglitish arqiliq kékirdek ghidiqlinishning aldini alighili yaki yénikletkili bolidu. suni köp ichishmu kékirdekning nemlikini saqlashqa yardem béridu, bu arqiliq yötelni peseytkili bolidu. künige az dégende 2 litir su ichishni untup qalmang.

• piyaz süyi

1 piyazni 4 ge bölüp, 1 istakan su ilawe qilip qayniting. 5 minut qaynatqandin kéyin, otni öchürüp, azraq sowushini kütüng. illighan chaghda, süyini süzüp, uninggha 1 qoshuq hesel ilawe qilip, iching.

• turup süyi

turupning ichini oyup, astini téshing. andin turupni istakangha qoyup, uninggha hesel ilawe qiling. turupni etisigiche qoyup, istakangha chüshken heselni istémal qiling.

• samsaq we darchin

bir istakan qaynaq sugha bir tal samsaq we 2 tal qowzaq darchinni sélip, 5 minut demligendin kéyin, iching.

• süt

bir istakan sütni qayniting. qaynaq sütke bir qoshuq qarimuch chéchip, istémal qiling. arilashmini tatliq qilish üchün hesel qoshup istémal qilsingiz bolidu.

• zenjiwil we kumilach hesel

talqan zenjiwil bilen bir bal qoshuqi hesel arilashturup, kumilachqa aylandurung. tamaqtin kéyin, bu kumilachni istémal qiling.

• limon, qarimuch, tuz

limonni tötke bölüng. andin bu parchilardin birige qarimuch we tuz chéching. saqiyishni tézlitish üchün limon istémal qiling.

• badamliq apélsin süyi

xam badamni chéqing. 2-3 qoshuq ézilgen badam bilen bir istakan apélsin süyini arilashturung. uni her küni etigende we kechte uxlashtin burun istémal qilsingiz bolidu.

• yötel üchün ösümlük chaygha hesel qoshung, pinne bilen limonni qayniting

lipa, gülsurux, chöl yalpuzi, zenjiwil, pinne we limon qatarliq chay yaki ichimlikler yötelni peseytidu. buningdin bashqa yene, chaygha hesel qoshup ichishmu yötelge paydiliq. hesel; suni saqlash iqtidari bilen yutqunchaq qurghaqliqini peseytip, kékirdekni yumshitidu, yötelning dawamlishish waqtini qisqartishqimu paydisi bar.

• qarimuch we hesel

bir istakan qarimuch 2 istakan hesel bilen arilashturulidu.  üstige qaynighan we biraz demlengen qaynaq su qoyulidu. 15 minut demlengendin kéyin, süzülüp ichilidu. bu belghemlik yötelni dawalash üchün eng ünümlük arilashmidur.

• terkibide witamin C mol yémekliklerni istémal qiling

eger yötel yuqiri nepes yolining yuqumlinishi sewebidin kélip chiqqan bolsa, üzüm apélsin, mandarin, apélsin we limon qatarliq  temi achchiq- chüchük méwe - chiwe we köktatlardin sirt yene, wuta yésiwilek, malina, pemidur, palek, yéshil purchaq, nuqut we witamin C mol bolghan köktat we méwe – chéwilerni istémal qiling.

• tamaka chékishtin qetiy waz kéching

tamaka chékishmu yuqiri we töwen nepes yolini ghidiqlaydighan amillarning biri. buningdin bashqa yene, nepes yolini qoghdaydighan méxanizmlargha ziyan salidu. bu ziyanliq adetni baldurraq toxtiting.

• öyingizning nemlik derijisini tengsheng

öydiki qurghaq hawa nepes yolini qurutush arqiliq yötelni ashuridighan muhim amildur. nemlik saqlash dorisi ishlitip, öyning nemlik derijisini elalashturalaysiz. qol lönggini höl qilip, radiyator közneklirige qoysingiz bolidu. nemlik derijisining 30-50 ariliqida bolushigha diqqet qiling. lékin, nemlik saqlash üskünisini uzun muddet ishlitishtin saqlining. shundaqla, her küni öyingizning hawasini almashturushni untup qalmang.

• issiq suda yuyunung

issiq suda yuyunush burundiki ajralmilarni peseytish arqiliq yötelni azaytishqa yardem béridu. buningdin bashqa yene, issiq suda yuyunghan chaghdiki hor sezgürlük we ziqqa sewebidin kélip chiqqan yötelgimu paydiliqtur.

etir we taziliq buyumlirigha diqqet qiling

etir, aile taziliq buyumliri (aqartish suyuqluqi) kékirdekni ghidiqlap, yötelni keltürüp chiqiridu.

• saet 19:00 din kéyin bir nerse yémeng

eger sizde qayta qozghilish mesilisi bolsa, saet 19: 00 din kéyin yéyishni toxtiting. imkanqeder chay, qehwe we shakilat qatarliq qayta qozghilishni kücheytidighan yémeklik we ichimliklerdin saqlining. uxlighan chaghda béshingizgha égiz yastuq qoyushni untup qalmang.

• yotqan yapquchliringizni kem dégende 55 giradusta yuyung

öydiki chang-tozan, qush, müshük we itlarning ölük térisimu sezgürlük késilige giriptar bolghanlarda yötel peyda qilidu. buninggha diqqet qiling. yung ich kiyim, yotqan, yastuq we gilem ishletmeng. yotqan we yastuq yapquchliringizni kem dégende 55 gradustin yuqiri témpératurida yuyung. yotqan yapquch we perdilerdin daim yuyushqa bolidighan süpetlik paxta alahidiliklirini tallang.

• sezgürlüktin kélip chiqqan yötel üchün chang-tozandin saqlining

eger sizde sezgürlük bolsa, öyingizde imkanqeder az buyum saqlang. rext bilen qaplanghan buyumlarning ornigha xurum, sintétik yaki yaghach buyumlarni tallang. köp chang-tozan tutidighan buyumlarni ishkaplarda saqlashqa diqqet qiling.