kök böre

türk epsaniliride börining nahayiti zor ehmiyetke ige ikenlikini bilemsiz?

       oxshimighan döletlerning epsaniliridinmu orun alghan böre totémi türk millitining simwoli hésablinidu. bir türk dastanida, böre, nesebning izchilliqigha kapaletlik qilidighan we türk millitini yoqilishtin saqlap qalidighan asasliq amil süpitide teswirlinidu. yene bir dastanda bolsa, böre, türklerge yétekchilik qilidighan yétekchi süpitide bayan qilinidu. kök böre, türklerning étiqad mepkurisigha asasen muqeddes we bext – saadet élip kelgüchi mexluqtur.

  türk epsaniliride muqeddes mexluq süpitide tilgha élinidighan kök böre, türkler özliri bilen bir gwdileshtürgen, özlirining anisi we ejdadi dep qobul qilghan haywandur. kök börining tarixtin burunqi dewrlerdin buyan türkler teripidin muqeddes dep qarilip, dölet simwoligha aylinishining eng muhim sewebi, türklerning kök börining nesebidin kelgenliki toghrisidiki epsanidur. buningdin bashqa yene,  erkinlik, süret we tebietke wekillik qilidighan küchlük we chaqqan haywan bolghan kök böre, türklerning xaraktérini ekis ettüridu, dep qarilidu. türk dunyasining herqaysi jayliridiki tash yaki qebre tashlirida tengri - böre teswirliri közge chéliqidu. tarixtin buyan, türk döletliride bayraq we pullarghimu börining süriti chüshürülgen.

kök böre atatürk teripidinmu «dölet simwoli»  élan qilinghan, hemde türkiye jumhuriyitining deslepki yillirida kök börining süriti chüshürülgen marka we pullar bésilghan.