istanbulning «michélin yultuz»luq réstoranliri

türkiye awazi radiyosi: 100 yildin köprek waqittin buyan neshr qiliniwatqan «michélin qollanmisi» dunyadiki eng yaxshi réstoranlarning tizimlikini turghuzushni xizmet nishani qilidu. bu yil türkiyedin 53 réstoran  bu qollanmigha kirgüzüldi. buningdin bashqa, türkiyening tunji «michélin yultuzi»gha érishken réstoranlirimu élan qilindi. undaqta, kéleyluq bu qollanmining qandaq otturigha chiqqanliqi, yultuzgha érishidighanlarning yultuzlirining qandaq tallinidighanliqi toghrisidiki uchurlargha....

* * * * *

türkiyediki réstoranlarmu axiri dunyagha dangliq  «michélin qollanmisi»gha kirgüzülgen boldi. qollanmining istanbul katégoriyeside 53 türk réstorani bar bolup, bularning beshi michélin yultuzigha, 10i mezzilik, emma erzan tamaq bilen teminligüchi réstoranlargha bérilidighan gormand belgisige ige. qalghan 38 i yétekchi teripidin xelqara sewiyede tewsiye qilinghan résoranlardur.

michélin qollanmisining tarixigha qaraydighan bolsaq, tunji neshri kamérlarning sétilishini yuqiri kötürüsh üchün teyyarlanghan bolup,  1900- yili neshir qilinghan؛ uninggha shopurlarning kamérlarni qandaq almashturidighanliqi, yataq tallash we tamaq yéyishke bolidighan ashxanilargha dair tewsiyeler kirgüzülgen. 1926 – yili réstoranlarni yultuz bérish arqiliq mukapatlash qarar qilinip, aptomobil saymanlirigha munasiwetlik élanlar chiqiriwétilip, réstoranlar katégoriyelerge ayrilghan. bu qollanma, 1920 – yilidin bashlap heqliq sétish qarar qilinghan.

michélin qollanmisi yultuz bilen teminleshte matériyallarning süpiti, temlerning maslishishi, pishurush téxnikiliri, ashpezning ashxanidiki xaraktéri, tamaq tizimliki we xéridarlarning ziyaretliri otturisidiki birdeklik qatarliqlarni ölchem qilidu.

yultuzlarning sanigha kelsek, bir yultuz öz katégoriyesidiki yaxshi réstoran؛ ikki yultuz yolni özgertip bérishqa erzigüdek derijidiki ésil tamaq, üch yultuz mexsus bérip yéyishke erzigüdek derijidiki pewquladde yaxshi réstoran dégenlerni ipadileydu.