balilarning immunitét sistémisini kücheytishning tebiiy chare - tedbirliri

(doktor mehmet uchar )

balilarning immunitét sistémisini kücheytishning tebiiy chare – tedbirliri töwendikiche:

tebiiy uzuqluqlarni yéterlik we tertiplik istémal qildurush arqiliq, balingizning immunitét sistémisini kücheytip, uni késelliklerge qarshi téximu küchlük qilalaysiz.

• tertiplik ozuqlinish

balilarning késelliklerge qarshi küchlük bolushi üchün, ularning saghlam, tengpung we tertiplik uzuqlinishigha ehmiyet bérish kérek.

• kéfirni méwe – chéwiler bilen temlik qiling

künige 1 chay istakan tebiiy kéfir istémal qildurush, balilarning immunitét sistémisini qollaydu. balilar kéfirning temini yaqturmighan ehwal astida, azraq méwe sapmisi qoshup temlik qilalaysiz.

• salmon béliqi

oméga - 3 yagh kislatasi mol uzuqluq bolup, balilarning méngisining yétilishini qollaydu, hemde  bedenni yuqumlinishtin saqlaydu.

• qiyam

qiyammu immunitét sistémisini kücheytidighan we qan azliqni azaytidighan uzuqluqlarning biri. balingizgha peqet qiyamnila bérishning ornigha, terkibide witamin C bar kiwi bilen qoshup bersingiz bolidu.

• kiwi

bashqa méwilerge sélishturghanda witamin C ning miqdari intayin yuqiri bolup, bedenni qoghdash sistémisida wezipe öteydighan oksidlinishqa qarshi turghuchi shipaliq méwidur.

• öyde uyutulghan qétiq

bolupmu terkibide yuqiri aqsilliq yémeklikler bilen uzuqlanghanda késelliklerning aldini élishta muhim rol oynaydighanliqi üchün, baliliringizgha choqum künde bir qacha öyde uyutulghan qétiq ichürüng. qétiqni tamaq bilen bille yaki tamaqtin bashqa waqitlarda ichige méwe – chéwilerni toghrap, ilawe qilghandin kéyin, ichürsingizmu bolidu. eger balingiz kala sütige sezgür bolsa, öchke sütidin uyutulghan qétiqni tallisingiz bolidu.

• banan we qétiq

her küni 1 qacha öyde uyutulghan qétiq we 1 kichik bananni arilashturup yaki ézip balingizgha béring. chünki, eng muhim shipaliq yémeklik qétiq bolup, shipaliq menbesi bolghan banan bilen birlikte istémal qildurghanda, téximu yaxshi ünümge érishkili bolidu. uni choqum ushshaq-chüshshek yémeklik qatarigha kirgüzüsh kérek.

• zenjiwil we zerchiwelik qétiq

her küni 1 qacha öyde uyutulghan qétiqqa 1 qoshuq zenjiwil we 1 qoshuq zerchiwe qoshup, hem qétiqni yaqturmaydighan balilar üchün bu özgiche aqsil menbesini téximu yéqishliq qilalaysiz, hemde immunitét sistémisini kücheytidighan 2 tétitqu sayisida balingizning qish peslini téximu saghlam halette ötküzüshige kapaletlik qilalaysiz.

• samsaq

samsaqning baktériyege qarshi turush iqtidari bolghachqa, immunitét küchini ashurup, bedenni kücheytidu. u balingizning immunitét sistémisini kücheytip, kelgüside ziqqa késilige giriptar bolush xewpini töwenlitidu. shu wejidin, immunitét sistémingiz üchün, barliq tamaqlarning hemmiside bu séhirlik terkib choqum bolushi kérek.

tamaqqa qoshulghan samsaqning miqdarini ashurush késellik xewpini töwenlitidu. tamiqingizgha samsaq qoshqanda, uni mayda qorumastin, tamaqning süyige qoshsingiz, uningdiki oksidlinishqa qarshi turghuchi shipaliq rolidin téximu köp paydigha érisheleysiz. buningdin bashqa yene, samsaqning tamaq, salat we qétiqqa xam péti ilawe qilinishimu nahayiti muhim.

• sulu

tala maddisi bol bolghan sulu bilen sütni arilashturup, üstige terkibide witamin E mol bolghan bir qacha banan ilawe qilip, méwe sherbiti chiqirish mashnisidin ötküzüp, balingizgha nashtida ichürsingiz bolidu.

• brokkoli

terkibide witamin C , A we E mol bolghan brokkoli pütünley oksidlinishqa qarshi shipa menbesidur. chorbingizgha ilawe qilsingiz bolidu.

• yéssimuq

küz we qish aylirida meyli tamiqi yaki chorbisi bolsun, heptide ikki qétim istémal qildurush intayin paydiliq. u ösümlüksiman aqsil bolghachqa, balilarning ösüp yétilishige yardem béridu.

• tuxum

ana sütidin qalsa beden éhtiyajliq bolghan aqsilning eng yaxshi menbesidur. shuning bilen bir waqitta, tömürning intayin yaxshi menbesi bolup, terkibide witamin A , D , E we B12 moldur. suda pishurup, yaki qorup, her küni balingizgha yaqturidighan shekilde bersingiz bolidu.

• quruq méwe

terkibide witamin E, sinik we oméga - 3 yagh kislataliri mol uzuqluqlardur. balingizning immunitét sistémisini kücheytish üchün, uning uzuqlinish somsikisigha xam xasing, yangaq, badam we kawa uruqini sélip, uni bu uzuqluqlarni istémal qilishqa adetlendüreleysiz. bolupmu etigende nashtida peqet töttin bir istakan quruq méwe yégüzsingiz bolidu.

• tertiplik uxlash

tertiplik uyqu, tertiplik we saghlam uzuqlinish, qolni pat - pat sopunlap yuyush we qerellik halda sinip muhitining hawasini tengshesh, balilarning immunitét sistémisini kücheytishte muhim rol oaynaydighan chare – tedbirlerdin biridur.

• ana here shirnisi+ hesel

ana here shirnisini 3 yashtin chong balilargha  her küni etigende nashtidin burun 1 chay qoshuqi hesel bilen arilashturup bérish, immunitét sistémisi üchün intayin paydiliqtur. biraq, 3 yashtin kichik, sezgürlük we ziqqa késili bar balilargha bérishtin burun, choqum doxturdin meslihet sorash kérek.

• chöl reyhini

her küni chay sheklide ichish hem immunitét sistémisini kücheytidu, hemde kanayche yallughi qatarliq késelliklerni yéngishke yardem béridu. bashqiche éytqanda, chöl reyhini tebiiy yötel sherbiti we zukam düshminidur.

1 istakan sugha 2 hesel qoshuqi chöl reyhini sélip, qayniting. qaynitish jeryani tamamlanghandin kéyin, 1 hesel qoshuqi hesel qoshup, her küni balingizgha ichürüng.