ökche yérilish késilini tebiiy dawalash usulliri

(doktor mehmet uchar)

ökche yérilish késilini tebiiy dawalash usulliri töwendikiche:

limon

ökchiliringizde otturigha chiqqan yériqlar sizni biaram qilsa, azraq limon süyi we tuzni ilman sugha ilawe qilip, putingizni bu suda 15 minut etrapida turghuzung. putingizni taki su sowughuche qachida turghuzung.

andin putingizni köpüksiman tashning yardimide chotkilang.

axirida, putingizni pakiz su bilen yuyup, lönggining yardimide qurutung.

bu usulni qollanghanda suning bek issiq bolup ketmeslikige diqqet qiling. chünki bek issiq su téringizning qurushigha, jümlidin ökchingizning téximu köp yérilishigha seweb bolidu.

qollinishingizgha tégishlik yene bir usul bolsa, limonni siqip bolghandin kéyin, chuqur qismini ökchige orunlashturup, uwulashtur.

alma sirkisi

bir qachini issiq su bilen toldurung. uninggha yérim istakan alma sirkisini qoshung. putingizni bu suda 15 minut turghuzung. putingizni sudin chiqarghandin kéyin, köpüksiman tash bilen uwulang.

karbonat

2 qoshuq karbonatni 3-4 tamche limon süyi bilen arilashturup, qiyamgha aylandurung. bu qiyamni ilman su bilen birlikte yuyulghan ökchiliringizge sürüp, 10 minut turghuzung. andin putingizni pakiz yuyup, nemdeng.

 ösümlük mayliri

zeytun yéghi, kokus yangiqi yéghi, künjüt yéghi yaki badam yéghi qatarliq térige paydiliq yaghlarning ortaq alahidiliki, bu yaghlarning térini tebiiy yollar arqiliq nemlendürüshidur.

ökche yérilishtin qutulush üchün, putingizni ilman sugha biraz chilighandin kéyin, putingizni köpüksiman tash  bilen uwulang. arqidin putingizni tazilang we qurutung. axirida bu yaghlardin biri bilen tapiningizni uwulang. andin putingizgha paypaq kiying we shu péti uxlang.

bu usulni taki ökchiliringizdiki yériqlar tamamen tügigenge qeder her kéchisi tekrarlang.

chay derixi uchushchan yéghi

putliringizni ilman su bilen yuyup, qurutung. chay derixi uchushchan yéghini ökchiliringizge témitip, barmiqingiz bilen uwulang. andin paypiqingizni kiyip, bir kéche turghuzung.

wazélin

putingizni ilman sugha chilighandin kéyin, ökchingizni köpüksiman tash bilen uwulang. andin pütkül putingizninggha wazélin sürüng we putingizgha paypaq kiyip, shu péti uxlang.

eger xalisingiz, wazélinni bir chay qoshuqichilik limon süyi bilen arilashturup, putingizgha sürsingiz bolidu.

pérséye neshpüti

yérim pérséye neshpütini bir banan bilen arilashturup, melhemge aylandurung. bu arilashmini yérilghan rayongha sürüp, 20 minut turghuzung. axirida ilman su bilen yuyung.

nemlik saqlash melhimi

her küni kechte ilman suda putni yughandin kéyin, köpüksiman tash bilen tazilash, andin tapangha nemlik saqlash melhimi sürüsh, ökche yériqlirini téz saqaytidu.

bu usulni her qétim munchigha chüshkendin kéyin qollinish bolsa, ökche yérilishining aldini alidu.

nemlik saqlash melhimini sürgendin kéyin, paxta paypaq kiyish arqiliq putning tapinining issiq halette turushigha kapaletlik qilalaysiz.

hesel

bir qacha ilman sugha azraq hesel qoshup, putingizni bu sugha 15 minut chilap qoyung. kéyinki qedemde putingizni yuyushingiz, qurutushingiz we ökchiliringizni köküpsiman tash bilen chotkilishingiz kérek.

hesel we zeytun yéghi

bir chay qoshuqi heselni bir qoshuq zeytun yéghi bilen arilashturung. bu arilashmini ökchiliringizge sürüp, 20 minut turghuzung.

pishqan banan

pishqan bir bananni ézip, melhemge aylandurghandin kéyin, ölchiliringizni banan melhimi bilen uwulang.

eger mumkin bolsa, banan melhimini putingizda 5-10 minut turghuzung.

andin putingizni ilman su bilen tazilang. axirida, putingizni yene soghuq suda 5-10 minuttek turghuzung.

gürüch uni

gürüch unini ökchingizdiki ölük térige sürüsh arqiliq ökche yérilishining aldini alalaysiz.

 ishlitish usuli: 1 alqan gürüch uni bilen bir nechche chay qoshuqi hesel we alma sirkisini arilashturup, chaplaqqa aylandurung. putingizni ilman sugha 10-15 minut chilang, andin qurutung. axirida, özingiz teyyarlighan chaplaq bilen putingizni uwulang.

sürge tuz

sürge tuzni bir chélek ilman sugha tashlang we putingizni bu suda kem dégende 10 minut turghuzung. andin yumshighan ökchiliringizni köpüksiman tash bilen uwulang. andin yene putingizni  sürge tuz bilen 10 minut etrapida turghuzung.

axirida, putungizni yuyup, qurutung we ökchingizge nemlendürgüch sürüng.

gül süyi we glitsérin

glitsérin bilen gül süyini oxshash miqdarda arilashturung. bu arilashmini kéchisi uxlashtin burun ökchiliringiz we putliringizgha sürüng, axirida putliringizgha paypaq kiyip, shu péti uxlang.