kök qan tomur ösmisini tebiiy dawalash usulliri

(doktor mehmet uchar)

kök qan tomur ösmisi dewrimizde eng köp uchraydighan we éstétik jehettin ademni biaram qilidighan késelliklerning biridur.

kök qan tomur ösmisi nurghun kishilerde körülidighan qan tomur késellikidur.

kök qan tomur ösmüsini ösümlükler bilen dawalash usulliri töwendikiche:

 alma sirkisi

bir parche paxta rextni alma sirkiside höl qilip, kök qan tomur ösmüsi bar rayonda ösümlük bilen dawalashni bashlisingiz bolidu. alma sirkisige chilanghan parche rextni kök qan tomur ösmüsi bar rayongha orap, 30 - 35 minut turghuzung. bu esnada putingizni beden sewiyesidin yuqirigha uzarting. bu shekilde 10-15 minut kütüng.

bu xil dawalash usulini künde ikki qétim, uda 5 hepte dawamlashturung.

chöl yalpuzi

tomurlarda shekillengen yallughni azaytip, bu basquchni kontrol astigha alidu we yallughning tarqilish süritini astilitidu.

éskulus méyi

éskulusning yallugh qayturush we süydük heydesh xususiyiti bar. kök qan tomur ösmüsining shekillinishini keltürüp chiqiridighan qan aylinish mesililiri késelliklirini dawalashta ishlitilidu. éskulus méyini kök qan tomur ösmüsi bar rayongha chaplap, qan tomur saghlamliqingizni yaxshilash bilen bille, yallugh we aghriqnimu azaytalaysiz. kök qan tomur ösmisini dawalashta tewsiye qlishqa bolidighan birdinbir ösümlük méyi éskulus méyidur.

échinaséye 

chaydek teyyarlinip, ichilidu

yawropa kerepshisi süyi

bir istakan qaynaq sugha bir qoshuq yéngi yawropa kerepshisini sélip, 15 minut demleng. arilashmini süzüp, ach qorsaqqa etigende bir istakan, chüshtin kéyin bir istakan iching.

hamamélis derixi

tebiiy hamamélis chéyining, suluq ishshiqni peseytish we qan aylinishqa yardemchi bolidighan süydük heydesh xususiyetliri bar. qan tomurlirini kontrol qilish roli sayisida qil qan tomurliringizni kücheytidu we qanning qaytip kélishige qulayliq bolghan klapanlarning iqtidarini eslige keltüridu. bir  chay qoshuqi hamamélisni bir istakan qaynaq sugha sélip, 10 minuttin 15 minutqiche demleng. bu chayni uda 3 hepte künde 2 qétim iching.

padub ösümlüki

bu ösümlük, tomurlardiki ishshiqni peseytidu. buningdin bashqa, qan tomurlarni kücheytish we chingitishqa intayin paydiliq. uning shipaliq rolidin paydilinish üchün, künige kem dégende 100 milligiram istémal qilishqa bolidu.

terkibide flawonoid bar yémeklikler

terkibide flawonoid bar yémekliklerni istémal qilinghanda, tomurlar küchiyidu, etraptiki toqulmilarda shekillinidighan yallugh töwenleydu. bu arqiliq kök qan tomur ösmüsi bar ademde kök qan tomur ösmüsi sewebidin kélip chiqidighan ehwali yamanlishish zor derijide töwenleydu.

méwe - chiwilerdin, sétris méwiliri, qizil üzüm falawonoidning menbesidur.

köktatlardin, bolupmu qizil yésiwilekning, ichimliklerdin yéshil chayning terkibide flawonoid bardur.

qizil yésiwilek

qizil yésiwilekning yopurmiqi qaynitilidu,  su sowughandin kéyin, kök qan tomur ösmisi bar putqa sürülidu.

zenjiwil

zenjiwil, «yallugh qayturghuch» dep atilidighan uzuqluqlarning bir türidur. bu sewebtin, zenjiwil jewhirini kök qan tomur ösmisi bar tomurgha sürgende, qan aylinishni ashurush arqiliq aghriqni peseytidu.

samsaq

samsaq yallughni yoqitishta ünümi nahayiti yuqiridur. ézilgen üch chish samsaq we bir nechche tamche limon, kök qan tomur ösmisining renggining échilishigha yardem béridu.

rozémariye

rozémariyening qan aylinishini tézlitish roli bar. shu wejidin, uni kök qan tomur ösmisige chaplighanda hem aghriqni peseytidu, hem tomurning ishshiqini azaytidu.

qiriqboghum we chupurshang chéyi

1 istakan qaynaq sugha 1 hesel qoshuqi qiriqboghumni sélip, qapiqini yépip, töwen otta 3 minut qayniting.

qaynaq sugha bir chimdim (5-6 gram) qiriqboghum sélip, oxshash usulda qapiqini yépip, 3 minut qayniting.  qiriqboghum chéyini süzüp, etigende nashtidin 2 saet kéyin, 1 istakan iching.

qiriqboghum chéyi, tomurlardiki qan aylinishni ashurupla qalmastin, yene qil qan tomurlirini kücheytip, yallughning aldini alidu.

chupurshang chéyinimu yuqirqi usulda teyyarlap, kechlik tamaqtin 2 saet kéyin, 1 istakan iching.

her küni etigende qiriqboghum chéyini 1 istakan,  kechte chupurshang  chéyini 1 istakan ichishni uda bir ay dawamlashturung.

1 aydin kéyin, 2 hepte ichmeng. andin oxshash usulda yene 1 ay dawamlashturung.

bu chayni yene aldini élish we qoghdinish süpitidimu ichishke bolidu.