kelgüsining tili: robot we pirogramma tüzüsh

türkiye awazi radiyosi: téxnika magnati alma shirkitining qurghuchi shériki we bash ijraiye emeldari, 56 yéshida alemdin ötken milyardér stéw jobsning robut pirogramma tüzüsh tili heqqide: «méningche hemme adem kompyutér programma tüzüshni öginishi kérek. bir kompyutér tilini öginishi kérek. chünki u kishilerge qandaq tepekkur qilishni ögitidu. men kompyutér ilmini ijtimaiy pen dep qaraymen» dégenidi.

robut pirogramma tilini öginish we pirogramma tüzüshni (kodlashni) öginishtin burun, robot heqqide melumatqa ige bolush kérek. shundaq, qisqichila dégende, robot sénzorluq buyruqlarning yardimide melum wezipilerni orundaydighan mashinidin ibaret.

robotlar sayisida nurghun ishlar asanlashti. 2017-yili «sofiya» dégen nam bilen xanson robotiks shirkiti teripidin ishlepchiqirilip tereqqiy qildurulghan robot, birleshken döletler teshkilati (b d t) tereqqiyat pirogrammisi tarixidiki tunji yéngiliq yaritish chémpiyoni bolup bahalandi hemde b d t unwanigha érishken tunji «insan emes <adem>» bolup qaldi. shek - shübhisizki, sofiyaning muweppeqiyitining arqisida muweppeqiyetlik orundalghan bir pirogramma tüzüsh jeryani yeni kodlash bar.

undaqta pirogramma tüzüshni (kodlashni) bashlashning eng muwapiq yéshi qaysi? balilar némishqa pirogramma tüzüshni öginishi kérek?

kodlash qanche baldur bashlansa, balining mesilini hel qilish mahariti we analiz qilish iqtidari shunche téz tereqqiy qilidu. bu maaripni oqush yéshigha toshmighan waqittin bashlapla bérishke bolidu. chünki u yash ariliqidiki balilar kodlashning asasiy bilimlirini öginip bolghinida, ular üchün kishini hayajangha salidighan yéngi bir dunyaning ishiki échilidu.

yash méngiler hemishe nahayiti aktip bolup, yéngi nersilerni asanla ögineleydu. balilarning sawat chiqirishni bashlighan mezgili kodlashni öginishni bashlash üchünmu nahayiti yaxshi peyt hésablinidu.

pirogramma tüzüsh (kodlash) balilargha qandaq maharetlerni ögitidu?

robot pirogrammsi tüzüshni öginidighan balilar küchlük tenqidiy tepekkur iqtidarini öz ichige alghan nurghun maharetlerge érishidu. kodlashning négizide mesile hel qilish yatidighan bolghachqa, balilarning bashqa derslirini téximu yaxshi chüshinishige yardem béridu. ularni tehliliy tepekkur qilish imkaniyitige ige qilidu. kodlashni ögengen balilar kolliktip ishlesh rohigha ige bolidu.

kodlashning heqiqiy asasi: algorizim

algorizim bir heriketni qilishtin burunqi pilanimizning nami. etigende turup, xizmet yaki mektepke bérishtin burun néme ishlarni qilidighanliqimiz heqqide oylinip baqtingizmu? gerche hemme ademning muhim nuqtisi perqliq bolsimu, aldi bilen qol we yüzimizni yuyup, andin kariwitimizni yighishturup, nashtimizni qilimiz. shundaq, emeliyette bularning hemmisi algorizim. biz yetmekchi bolghan nishan üchün qilinghan barliq teyyarliqlarning omumiy nami…

kompyutérsiz kod yazghili, pirogramma tüzgili bolmamdu?

kompyutér ilmini öginishning eng yaxshi usullirining biri, oyunlashturush paaliyetliri arqiliq etrapimizdiki matériyallarni ishlitip, kishidiki qiziqish we heriketlendürgüch küchni ashurushtur. sawat chiqirish yéshigha toshmighan oqughuchilargha kodlash adette bu usul arqiliq ögitilidu.

bir kishining paaliyette ishlitidighan matériyalliri oxshimighan muhitta rahet layiheligili bolidighan bolushi kérek. bundaq bolghanda, shexsning qiziqishi téximu küchiyip, oyun ichide hel qilish merkezlik tepekkur iqtidari tereqqiy qilidu.

pirogramma tüzüsh we robot kodlash keng tarqalghandin buyan aililerni oylanduruwatqan soal: balamni qanche yashta robot kodlash bilen tonushturushum kérek, uning balamgha néme paydisi bar? dégendin ibaret.

emeliyette, buning jawabi balingizgha baghliq. chünki balilar oxshimighan sewiyelerde tereqqiy qilidu. bezi balilar 6 yash waqtida robot kodlashqa teyyar haletke kelse,  yene bezi balilarning bu iqtidari 8 yaki 9 yashlarda bashlinishi mumkin. muhimi balilarni toghra qoral we üsküniler bilen uchrashturushtur.