qadaqni tebiiy dawalash usulliri
shipa buliqi - 49
qadaqni tebiiy dawalash usulliri
(doktor mehmet uchar)
qadaqni tebiiy dawalash usulliri töwendikiche:
ilman su
eger putingiz yaki barmiqingizda qadaq bolsa, 20 minut ilman sugha chilang. andin bu yerni asta silash arqiliq qadaqni éliwetsingiz bolidu. bu usulni heptide 2-3 qétim tekrarlisingiz bolidu.
aq sirke we piyaz süyi
matériyallar:
• 1 istakan aq sirke
• 1 dane piyaz
• 1 shéshe
• paxta
• yaltiraq qeghez
ishlitish usuli:
piyazni inchike toghrap, shéshige sélip, üstige aq sirke ilawe qiling. andin shéshining azghini yépip, 8 saet saqlang. texminen 8 saettin kéyin, bu arilashmining ichige chong paxta topni chilang, andin paxta topini qadaq bar jaygha tegküzüng.
aldi bilen, qadaqning etrapini paxta bilen sürtüng, andin qadaqning üstini paxta bilen yépip, yaltiraq qeghez bilen putingiz yaki qolingizni ténging. bu usulni 10 kün dawamlashturung.
alma sirkisi
4 istakan sugha töt qoshuq alma sirkisini ilawe qilip, arilashturung. qadaqliq rayonni bu arilashmigha 20 minut chilap qoyung. andin qadaqni uwulap chiqiriwetsingiz bolidu.
samsaqliq zeytun yéghi
matériyallar:
• 3 chish samsaq
• 2 qoshuq zeytun yéghi
• yaltiraq qeghez
• paxta
ishlitish usuli:
bir qachida samsaqni yaxshi ézing. ézilgen samsaqni zeytun yéghi bilen arilashturushni untup qalmang. bu arilashma bilen awwal qadaqliq rayonni tazilang. andin, bu arilashmini qadaqning üstige chaplap, ténging.
eger xalisingiz, bu arilashmini paxta bilen élip, yaltiraq qeghez bilen tangsingizmu bolidu. bu usulni bir hepte dawamlashturung.
inekpiti méyi
5 qoshuq inekpiti méyi bilen bir litir suni arilashturung, andin qadaqliq rayonni bu arilashmigha chilang.
pemidur posti
matériyallar:
• chong bir dane pemidur
• daka
ishlitish usuli:
pemidur postini qadaqliq rayongha chaplighandin kéyin, chüshüp kétishining aldini élish üchün, qol yaki putingizni daka bilen ténging.
sürge tuz
2-3 qoshuq sürge tuzini bir qacha ilman sugha tashlang. qadaqliq rayonni bu sugha chilap, yumshitalaysiz.
ananas posti
matériyallar:
• 1 dane kichik ananas
• yaltiraq qeghez
ishlitish usuli:
ananas postining ichki qismini, yeni sériq rayondiki teripini qadaqqa tegküzüng. bu usulni kem dégende 7 kün dawamlashturung.
chay derixi méyi
chay derixi méyini ilman su toldurulghan qachigha 2-3 tamche témiting. téringiz yumshap, qadaq yoqalghangha qeder, qadaqliq rayonni suning ichide tutung. chay derixi méyi intayin küchlük may bolghachqa, téringizni eng köp bolghanda 15 minut bu sugha chilang, andin ilman su bilen yuyung.
belizgül süyi
matériyallar:
• 1 litir su
• belizgül chéyi yaki qurutulghan belizgül
ishlitish usuli:
texminen 1 litir sugha qurutulghan belizgül yaki belizgül chéyi ilawe qiling. uni biraz demligendin kéyin, belizgülning échilishini kütüng.
putingizni her küni 30 minut belizgül süyige chilang.
banan posti
banan postini qadaqning üstige chaplang.
enjür usuli
yéshil, pishmighan enjür süyi qol we puttiki qadaqni yoqitishning ünümlük charisidur. dawalash üchün, yéshil enjür üzülgendin kéyin, süyini siqip, künde üch qétim qadaqliq rayonlargha sürülidu.
limon
qadaqliq rayongha yéngi limon süyi sürüp, qurutung. bu usulni künde kem dégende üch qétim tekrarlang.
buningdin bashqa yene, bir qoshuq limon süyige ikki dane qelempur tashlap, 15 minut etrapida turghuzung. andin qelempurni éliwétip, limon süyini qadaqliq rayongha sürüng, uni taki qurughangha qeder saqlang we tekrar sürüng. bu usulni künde bir nechche qétim tekrarlang.
samsaq
qadaqliq rayongha bir chish samsaq sürüng.
buningdin bashqa yene, ikki chish samsaqni ézip, biraz sirke ilawe qiling. andin bu arilashmini qadaqliq rayongha sürüng. arqidin üstige paxta topi qoyup, yépishturghuch bilen ténging. 2 – 3 saettin kéyin, yépishturghuchni éliwétip, bu rayonni tazilang. bu usulni uda bir hepte her küni tekrarlang.
échitqu we limon
bir qachigha ilman su we 2 qoshuq limon süyi ilawe qiling. qadaqliq rayonni bu arilashmida 2 minut turghuzghandin kéyin, échiutquni qoshung. andin qadaqliq rayonni bu arilashmida yene 5-10 minut turghuzghandin kéyin, qadaqlarni uwulap chiqiring.