beden éghirliqini kontrol qilishta ishlitilidighan ösümlükler

(doktor mehmet uchar)

ösümlükler we ösümlük chayliri bilen métabolizimni tézlitish arqiliq oruqlash we mayni köydürüsh jeryanini qolaylashturalaysiz. buningdin bashqa yene, mayliq rayonlargha rozémariye méyi, künjüt yéghi we limon posti méyi sürse bolidu.

1) yéshil chay

intayin küchlük oksidlinishqa qarshi turghuchi bolup, daim yéshil chay istémal qilghanda, bedendiki zeherlik maddilarni chiqirip tashlaydu. jümlidin, suluq ishshiqni yoqitish arqiliq bedendiki mayni köydürüsh üchün zémin hazirlaydu.

arilashma ösümlük chéyi teyyarlash usuli:

• 4 chay qoshuqi yéshil chay,

• 4 chay qoshuqi hemrahi chay (paragway chéyi) yopurmiqi,

• 2 chay qoshuqi  chöl reyhini,

• 2 chay qoshuqi chaqqaq ot yopurmiqi,

• 1 litir su.

2) darchin

qandiki qentni tengshesh bilen bille métabolizmni qozghitidighan darchin, ishtihani basidu we qorsaqni toq tutidu.

• darchinni süt yaki qétiq bilen talqan qilip istémal qilsingiz bolidu. bu arqiliq darchin ücheyliringiznimu heriketke keltüridu.

• eger darchinni demlengen chaygha talqan sheklide qoshsingiz, chaygha yéqimliq puraq béridu.

• qowzaq darchinni ichimlik ​​su bilen istémal qilishqa bolidu. uni limon, pinne, yawropa kerepshisi we darchin bilen uruqlitidighan ösümlük arilashmilirigha aylandurupmu istémal qilsingiz bolidu.

3) yawropa kerepshisi

yawropa kerepshisi küchlük oksidlinishqa qarshi turghuchi bolup, suluq ishshiqni yanduridu. uni mayni köydürüsh üchünmu ishlitishke bolidu.

uni issiq su bilen demlep, chay sheklide istémal qilsingizmu bolidu.

yawropa kerepshisi limon arilashmisi teyyarlash usuli:

bir tutam pakiz we yéngi yawropa kerepshisini bir piyale limon süyi we bir istakan su bilen bille ézish mashinisida taki matériyallar tekshi halgha kelgenge qeder ézing. andin uni iching.

4) hemrahi chay (paragway chéyi) yopurmiqi

hemrahi chay, toxtap qalghan métabolizmni qozghitish arqiliq oruqlash jeryaningizni bashlitidu. u yene, ademni qarni toqtek hés qildurup, téximu az qorsaq échishni ishqa ashuridu.

matériyallar:

• 1 qoshuq qurutulghan yaki ézilgen hemrahi chay yopurmiqi

• 200 millilitir su

teyyarlash usuli:

aldi bilen, 200 millilitir suni, yeni 1 istakan suni qayniting. bu qaynaq sugha hemrahi chay yopurmaqlirini ilawe qilghandin kéyin, bu yopurmaqlarni 7 - 8 minut demleng.

5) rozémariye

suluq ishshiqni yandurush we oruqlash jeryanida rozémariye chéyi iching. 1 chay qoshuqi rozémariyeni qaynaq suda demlep, daim istémal qiling.

6) su qichisi

nashtiliqliringizda bir ikki chimdim su qichisi istémal qilsingiz, paydilirini körisiz.

7)  chaqqaq ot

u küchlük shekilde suluq ishshiqni yandurup, bedenni mayni köydürüshke teyyarlaydu.

8) zenjiwil

u süydük heydesh we suluq ishshiqni yandurushta ünümi nahayiti yuqiridur.

• uni talqan süpitide ösümlük chay sheklide istémal qilishqa bolidu.

• uni ichimlik süyingizge qoshup, limon bilen bir parche qoshup istémal qilsingiz bolidu.

9) chöl reyhini

oruqlash jeryani aldi bilen suluq ishshiqni yandurush bilen bashlinidu, mayni köydürüsh bilen dawamlishidu.

• chöl reyhinini salatlargha dora-derman halitide qoshup, istémal qilsingiz, paydilirini körisiz.

• uni qayndaq suda demlep , chay süpitide istémal qilsingiz, mayning köyüshini tézliteleysiz, shuning bilen, saghlam usulda oruqliyalaysiz.

10)  eynula chéchiki

• ichimlik ​​sugha eynula chéchiki we limon qoshush arqiliq mayning köyüshini tézletkili bolidu.

• uni qaynaq suda demlep, chay ornida ichishke bolidu.

11) pinne

uni salat, ichimlik ​​su, qétiqqa qoshup, xam istémal qilishqa bolidu. uni barliq tamaqlargha tétitqu qilip qoshqili bolidu. pinne hem qorsaqni toq tutidu, hemde hezim qilish sistémisini tengsheydu.

12) gilas gholi

gilas gholini qurutup, chay qilip, demlep ichip bergende, ücheylerni heriketke keltürgili bolidu. ücheyler heriketke kelgende bolsa, uruqlash bashlinidu.

qurutulghan gilas gholini shéshide saqlap, chay ornida istémal qilsingiz bolidu.

13) bediyan we érika yopurmiqi

14) qelempur chéyi

2 tal qelempurni qaynaq sugha tashlap, bir az demleng. andin bir qachida 1 chay qoshuqi hesel we 1 qoshuq alma sirkisini sugha ilawe qiling. yaxshi arilashturghandin kéyin, aghzini yépip, istakanda sowushini kütüng. bu arilashmini etigende nashtidin 1 saet burun istémal qiling. buusulni 1 aydin éship ketmeslik sherti bilen, her küni tekrarlisingiz bolidu.

15) darchin we zenjiwil chéyi

matériyallar

1 tal qowzaq darchin, 1 tal zenjiwil, 1 chay qoshuqi qarimuch, 1 litir su, 6 dane lachindane, 2 tal qelempur we 1 hesel qoshuqi hesel.

bir qachigha qarimuch we heseldin bashqa barliq matériyallarni arilashturup, 3 minut qaynatqandin kéyin, uninggha hesel we qarimuch ilawe qiling. bu chaydin her küni chüshte we kechte 3-4 istakan ichsingiz bolidu.

16) zenjiwil chéyi, lipa we chöl yalpuzi chéyi

17) lippiye chatqili chéyi

bir qehwe cheynikige 2 hesel qoshuqi lippiye chatqili ilawe qilip, qayniting. aghzini yéppip, 2-3 minut demleng. andin, 5 minut saqlap, sowutung. teyyar bolghanda, uninggha 1 chay qoshuqi pinne ilawe qiling.

18) aq chay

chüshlük tamaqta 2 istakan aq chay ichish arqiliq mayning saqlinishining aldini alghili bolidu.