15 - iyul démokratiye we milliy ittipaqliq bayrimi

15 - iyul démokratiye we milliy ittipaqliq bayrimi

buningdin 6 yil ilgiriki bügünki künde, yeni 2016 - yili 15 -  iyulda, türkiye xainlarche siyasiy özgirish qozghash urunushigha duch keldi. fethullahchi térorluq teshkilati türkiye qoralliq qismlirigha orunlashturghan unsurlirini ishqa sélip, dölitimizge we dölitimiz wekillik qilghan qimmet qarashlargha xainlarche hujum qilishqa urundi.

jumhur reislik sariyi, türkiye büyük millet mejlisi (parlaménti) bombardiman qilindi. türkiye radiyo-téléwiziye idarisinimu öz ichige alghan nurghun idare, organlar siyasiy özgirish qilghuchilar teripidin ishghal qilinmaqchi boldi.

enqere we istanbulning asminida urush ayropilanliri, kochilarda tankilar bilen tehditke uchriduq. xelqimiz elwette  bu ehwalgha perwasiz turalmaytti.

minglighan puqralirimiz jumhur reisimiz erdoghanning chaqiriqi bilen siyasiy özgirishning aldini élish üchün sheher meydani we kochilargha chiqti. hayatini tékip, tankilarning aldini tosti. tik ucharlardin étilghan oqlargha qarshi turdi. misli az körülidighan bir qarshiliq körsitish herikiti arqiliq wetinige, dölitige we démokratiyesige ige chiqti.

xelqning qetiy iradisi bilen dölitimiz muweppeqiyetlik halda siyasiy özgirishning aldini aldi. bu yolda 251 kishimiz shéhit boldi we yüzligen kishi ghazi boldi.

15 – iyul küni, démokratiyening ghelibisining simwoligha aylandi. «démokratiye we milliy ittipaqliq küni» élan qilindi.

shehidlirimiz we ghazilirimizni hörmet we minnetdarliq bilen xatirileymiz.