qurandin ilgiri biz kitab (yeni injil, tewrat) nazil qilghanlar qurangha ishinidu

türkiye awazi radiyosi: qeses sürisi, 51 - 59 - ayetler. wez ـ nesihet alsun dep, shübhisizki, ulargha quranni üzüldürmey chüshürduq[51]. qurandin ilgiri biz kitab (yeni injil, tewrat) nazil qilghanlar (yeni nasara we yehudiylarning möminliri) qurangha ishinidu[52]. ulargha quran tilawet qilinghan chaghda, ular: «biz qurangha ishenduq. shübhisizki, u perwerdigarimiz teripidin nazil bolghan heqiqettur. biz heqiqeten buningdin burun musulman iduq» deydu[53]. ularning qilghan sewr ـ taqiti üchün ulargha qosh sawab bérilidu, ular yaxshiliq arqiliq yamanliqni depi qilidu, biz ulargha riziq qilip bergen nersilerdin yaxshiliq yollirigha serp qilidu[54]. ular bihude sözlerni anglighanda uningdin yüz örüp (yeni qulaq salmay): «bizning emellirimiz özimiz üchün, silerning emelliringlarmu özünglar üchün, silerge amanliq bolsun, biz nadanlardin dostluq tilimeymiz» deydu[55]. shübhisizki, sen xalighan adimingni hidayet qilalmaysen, lékin allah özi xalighan ademni hidayet qilidu, allah hidayet tapquchilarni obdan bilidu[56]. ular: «eger biz sen bilen toghra yolgha egishidighan bolsaq, zéminimizdin heydep chiqirilimiz» dédi. ularni biz téch heremge yerleshtürmiduqmu? heremge türlük méwilerning hemmisi keltürülidu, (bu) bizning dergahimizdin chüshürülgen riziqtur, lékin ularning tolisi bilmeydu[57]. biz nurghun sheherni halak qilduq, ularning ahalisi keyip ـ sapaliq turmush köchüretti, bu ularning turalghu jayliridur, ular halak bolghandin kéyin (u jaylarda) azghina waqittin tashqiri adem turghan emes, ular (ning mal ـ mülki we yurtigha) biz warisliq qilduq[58]. perwerdigaring sheherlerning merkizige, ularning ahalisige bizning ayetlirimizni oqup béridighan bir peyghember ewetmigiche sheherlerni halak qilghuchi bolmiduq, sheherlerning ahalisi zalim bolmighiche sheherlerni halak qilghuchimu bolmiduq[59].