élon mask dunyadiki eng küchlük ademge aylandimu?

türkiye awazi radiyosi: alem sayahiti, aptomatik aptomobil heydesh, éléktironluq qatnash we süniy idrak, yéqinda dunyadiki eng köp ishlitilidighan ijtimaiy alaqe supilirining biri bolghan twittér... shundaq, nöwette dunyaning kelgüsini belgiliyeleydighan we layiheleydighan nurghun karxanilar élon maskning bashqurushi astida. u yene, 250 milyard dollardin ashidighan bayliqi bilen dunya bazarlirigha tesir körsitish iqtidarighimu ige. undaqta, bu küchlerning hemmisi élon maskni dunyadiki eng küchlük ademge aylandurdimu? amérika taratqulirining qarashlirigha asaslanghanda, buning jawabi «shundaq, aylandurdi»din ibaret.

«maskning bir qas chiqirishi bilen bazarlarning yönilishi özgiridu»

élon mask amérikada neshr qiliniwatqan 98 yilliq ötmeshke ige «taym» zhurnili teripidin «yilning munewwer erbabi» dep bahalandi؛ zhurnalning yuqiri derijilik emeldari we bash muherriri édward félséntal mask toghrisida: «yilning munewwer erbabi bir tesirning isharitidur. yer yüzide we uning sirtida élon maskqa oxshash tesirge ige kishi nahayiti az. mask dunyadiki eng bay adem süpitidila emes, insaniyetning hayatigha zor özgirishlerni élip kelgen bir zat süpitidimu otturigha chiqti.

dunyadiki eng bay kishining öz öyi yoq, u yéqindin buyan miraslirini sétiwatidu. u alem boshluqigha süniy hemrahlarni yollawatidu. özi ishlepchiqarghan, bénzin ketmeydighan, asasiy jehettin shopurgha éhtiyaj chüshmeydighan bir aptomobilni ishlitiwatidu. uning bir qas chiqirishi bilen bazarlarning yönilishi özgiridu» dédi.

wal kochisidikilerning neziri élon maskqa merkezleshmekte

bilumbérg yazghuchisi mat léwinning sözige qarighanda, dunyadiki eng chong pay baziri merkizi bolghan wal kochisi nöwette élon maskning éghizidin chiqidighan sözlerge qaraydighan bolup qalghan.

tésla, speyseks, néuralink, boring, opén al we zip2 qatarliq shirketliri bilen tonulghan élon mask, bügünge qeder alem téxnikisida inqilab xaraktérlik özgirish yaratti. zor muweppeqiyetlerni qolgha keltürgen 50 yashliq maskning alem qatnishi shirkiti — speyseks aprélda, amérikaliq alem uchquchilirini ay sharigha qondurush üchün alahide kélishim tüzüshke muweppeq boldi.

mask qaysi sahelerning yönilishini belgilewatidu?

amérikaliq milyardér élon mask ijtimaiy taratqu, alem sayahiti, aptomatik heydesh, éléktironluq qatnash we süniy idrak qatarliq dunya iqtisadining kelgüsini belgiliyeleydighan keng dairilik sanaetler saheside hemmidin üstün déyishke bolidighan derijide tesirge ige. maskning nurghun hewesliri ichide kishilerning A nuqtidin B nuqtigha érishish usulini tüptin özgertish, shuning bilen bir waqitta pütünley yéngi B nuqta mumkinchilikini wujudqa keltürüsh qatarliqlar bar bolup, bu B nuqta maskni yéqindin közitiwatqan kishilerge melum bolghinidek, qizil pilanéta marstur... u aldi bilen aygha, andin marsqa bérish arzusini speyseks shirkiti arqiliq royapaqa chiqirishni pilanlimaqta.

sheher tiransportida mask tesiri

élon mask kishilerni mars yaki aygha chiqirish bilen birge, ularni öyi yaki xizmet orunlirigha yetküzüsh üchünmu tirishiwatidu. uning bu türining emelge éshishqa eng yéqin bolghini, elwette, boring shirkiti teripidin tereqqiy qildurulghan Hyperloop türi bolup, bu tür sheher ichide saitige 240 kilométir yol yürüshni ishqa ashurushni nishan qilmaqta.

ademning méngisige kirishke urunush tirishchanliqi

élon mask alem boshluqi we qatnash téxnikisidin bashqa, insanlarning méngisige ériship, bezi késelliklerning aldini élishni pilanlimaqta. uning nérwa téxnikisi shirkiti — néorolink, ménge özeklirini insanlarda sinaq qilishni allqighan bashliwetti. bu keshpiyatning yéqin mezgildiki meqsiti, alzimér we parkinson qatarliq késelliklerni dawalashtin ibaret.

insanlargha ishlitish pilanliniwatqan hazirqi layihe, adem chéchining töttin bir qismi kenglidiki töt tal éléktirod yip we ulargha baghlanghan bir özektin terkib tapqan bolup, bu özekning nérwa we hüjeyre uchlirini ghidiqlishini qolgha keltürüsh nishan qilinmaqta.

eng yéngi qedem ijtimaiy taratqu

dunyadiki eng muhim ijtimaiy alaqe qanallirining biri bolghan twittérgha meblegh salghan élon maskning, eng axirqi qedimi shirketni pütünley sétiwélish boldi. mutexessislerning qarishiche, shirketni sétiwélish üchün 43 milyard dollar teklip sunghan maskning twittérda toluq pikir bayan qilish hoquqigha ige bolushta ching turushining perde arqisida, uning yéngi ewlad taratqularni kelgüsige mas halette tertipke sélish arzusi yatidiken.

twittérning 1 milyard 300 milyon abuntining peqet 330 milyonila aktip. abontlarning arxipliri aktip qollanghuchilarning karxanilar, siyasiyonlar, senetkarlar we bashqa nurghun ijtimaiy erbablardin terkip tapidighanliqini körsitip bermekte.

* * * * *

türkiye awazi radiyosining hörmetlik ixlasmenliri, yuqirida «güzel yéngiliqlar» namliq pirogrammimizning bügünki, omumiy 39 – bölümide, dunyaning eng küchlük erbabi élon mask heqqidiki uchurlarni siler bilen ortaqlashtuq.

menbe: TRT Haber