türk qehwesi

türk qehwesi enenilirining esirlerdin buyan özgermestin dewrimizgiche yétip kelgenlikini bilemsiz?

texminen 500 yil ilgiri osmanli impériyesi térrotériyesige kirgen we téz tarqalghan qehwe, tarixi, ismi bérilgen imaretler, ichish ​​we teyyarlashta ishlitilidighan wasitiler, hemde ijtimaiy munasiwetlerdiki roli bilen türk medeniyitide muhim orun tutidu.

16-esirning bashlirida, qanuni sultan sulayman dewride misir we hijazning pethi qilinishidin kéyin, qehwe yemen arqiliq istanbulgha kiridu. qisqa waqit ichide osmanli impériyesi sariyiningla emes, keng xelq ammisiningmu intayin yaqturushigha érishidu, hemde bu ichimlikning ismi bilen atalghan qehwexanalar pütün osmanli impériyesi térrotériyesige tarqilidu. kitab we shéirlar oqulidighan, edebiy söhbetler bolidighan, shahmat qatarliqlar oynilidighan jaylar qisqa waqit ichide osmanli impériyesi dewridiki ijtimaiy turmushning muhim sorunlirigha aylinidu.

bu dewrde yene, türkiyege kelgen wenediklik sodigerler, qehwe bilen tonushidu. shuning bilen qehwe, osmanli impériyesi térrotériyesidin yawropagha, u yerdin pütkül dunyagha tarqilidu.  lékin, teyyarlinishi we ikram qiliish shekli jehettin türk qehwesi dunyadiki barliq qehwelerdin alahide perqlinidu. türkiyede qehwe köpinche uwaqche halitide qorush we soqup ungha aylandurush arqiliq shékerlik, otturahal shékerliik, az shékerlik yaki shékersiz shekilde teyyarlinidu. bu, dunyadiki héch özgermestin  dewrimizgiche yétp kelgen eng qedimki qehwe teyyarlash usulidur. türk qehwesi eneniwi usulda su we loqum bilen birlikte ikram qilinidu. qehwening astida qalghan we ichilmeydighan qismi, türk qehwesige xas bolghan pal sélish enenisining barliqqa kélishini keltürüp chiqarghan. qehwening ichilmeydighan qismidiki shekiller we istakanda qaldurghan izlargha qarap, qehwe ichken kishining kélechiki heqqide aldin perez qilinidu.

qehwe ikram qilish türklerning waz  kéchilmes örp – adetliridin biridur. türk qehwesi, toydin burunqi murasimlarning özgermes bir qismi, öyge kelgen méhmanlargha choqum ikram qilinidighan, söhbetlerde kem bolsa bolmaydighan bir ichimliktur. mol medeniyet asasigha taynidighan türk qehwesi, 2013-yili birleshken döletler teshkilati maarip, ilim-pen we medeniyet orgini (UNESCO) ning «insaniyetning shekilsiz medeniyet miraslirining wekilliri tizimliki» din orun aldi.