pishlaq muzéyi
biliwéling - 15
qarsning boghatepe yézisida pishlaq muzéyi barliqini bilemsiz?
qars bilen bolghan ariliqi texminen 1 saet kélidighan boghatepe, dangliq qars grawyér pishliqi ishlepchiqirilidighan yézidur. shiwéytsariyelikler alp téghigha oxshiitidighan bu yéza, türkiyening tunji pishlaq muzéyighimu sahibxaniliq qilmaqta.
yézida 1880-yili berpa qilinip, uzun waqit ishlitilmigen mandira, boghatepe, muhit asrash we kündilik hayat jemiyitining rehberlikide puqralar teripidin rémunt qilinip, muzéygha aylandurulghan. 2010-yili échilghan bu gastronomiye muzéyi, birleshken döletler teshkilati tereqqiyat pirogrammisi (UNDP) ningmu qollishigha érishmekte.
üch bölümge orunlashturulghan bu muzéyda, boghatepe, qars grawyyéri we pishlaq tarixi tonushturulghan resimler we maqaliler orun alghan. bu yerde, öylerde eneniwi shekilde pishlaq yasash basquchliri we pishlaq yasashqa munasiwetlik qedimki qéliplarni körgili bolidu. buningdin bashqa yene, muzéyning ichide, bu rayonda östürülgen 100 dek tebiiy ösümlük türi tonushturulghan bir taxtimu bar bolup, taxtida, tebiiy dawalash usuli süpitide ishlitilidighan bu ösümlüklerning isimliri, resimliri we némige ishlitilidighanliqi chüshendürülgen.
