zukam we  yuqumluq zukamdin yuqumlinish we tebiiy dawalash usulliri

(doktor mehmet ucha)

qish aylirining kélishige egiship yuqumluq zukam peslimu bashlinidu. soghuq hawarayi we pesil xaraktérlik ötkünchi mezgilde özimizni yuqumluq zukamdin qoghdash intayin muhim.

qishni yuqumluq zukamsiz ötküzüsh üchün, aldi bilen immunitét küchimizni küchlük tutushimizgha, witamin C we E mol bolghan köktat we méwilerni köp istémal qilishimizgha toghra kélidu. buningdin bashqa yene,  gal we kékirdek yuqumlinishning aldini élish üchün, qoghdash xaraktérlik tebiiy ösümlük dorilirini istémal qilishimiz mumkin.

1 - quruq piyaz süyi: piyaz, késellik we yuqumlinishtin yiraq turushingizda türtkilik rol oynaydu. yuqiri qizitma, yuqumluq zukam, yötel we ziyade sizimchanliqqa paydiliqtur.

matériyallar:

• bir dane postiliq qongur piyaz

• ikki  istakan su

piyazning qongur tériliri soyulghandin kéyin, 2 istakan sugha tashlinidu, yépiq halette 5 besh minut qaynitilidu, demlengendin kéyin, süzüp ichilidu.

2 - zenjiwil chéyi:

matériyallar:

• bir qoshuq rendilengen yéngi zenjiwil

• bir istakan su

• bir qoshuq limon süyi

• bir qoshuq hesel

bir qoshuq rendilengen yéngi zenjiwil 1 istakan sugha sélinip, ochaqta qaynitilidu. eger zenjiwil bek qaynitilsa, temi achchiq bolup kétidu. shunga, qaynighan haman ot öchürülüp, 5 minut demlinidu. andin süzgüch bilen süzülüp, hesel we limon bilen qoshup ichilidu.

3 – yuqumluq zukam chéyi

matériyallar:

• lipa

• zenjiwil

• qelempur

• darchin

• su

bu chayni teyyarlighanda, adem sanigha qarap matériyallarning miqdarini köpeytsingiz yaki azaytsingiz bolidu. barliq matériyallar cheynekke sélinghandin kéyin, üstige qaynaqsu ilawe qilinip, demlinidu. uninggha limon we hesel qoshushqa bolidu.

4. qizilgül chéyi

qizilgül chéyi zukam we yuqumluq zukam qatarliq üstünki nepes yoli késelliklirige qarshi ünümi nahayiti yuqiri dawalash usulidur.

matériyallar:

• 1.5 - 2 qoshuq qizilgül

• su

• hesel

chong bir piyale chay üchün, 1.5-2 qoshuq soqulghan qizilgülni  ishlitishke bolidu. qaynaqsu istakangha quyulghandin kéyin, 10-15 minut demlinidu. süzülgendin kéyin, azraq achchiq temlik chay hesel bilen qoshup ichilidu.

5 - zukam we yuqumluq zukamni anar posti we qara bughday bilen dawalash usuli

üch dane anar posti xilorsiz 1.5 istakan qaynaq sugha tashlinidu we töwen otta besh minut qaynitilidu, beshinchi minuttin kéyin, 3 bash qara baghday qoshulup, yene üch minut qaynitilidu. andin ochaqtin élinip, süzülüp, sowushi kütülidu.

sowughandin kéyin, her küni bir qétim ach qorsaqqa bir istakan istémal qilinidu. buni uda bir hepte üzlüksiz dawamlashturush kérek. bir heptidin kéyin, dawalash axirlishidu. bu dawalash usulini, shikayetlerning tereqqiyatigha asasen qollinishqa bolidu.

6 -  échinaséyening bezi türlirining, immunitét sistémisini kücheytishte, bolupmu soghuq ötüp qélish késelliklirini dawalashta ünümi nahayiti yuqiridur.

7 - lipaning yallugh qayturush we aghriq peseytish roli bar, galni yumshitishi netijiside galdiki ghidiqlinishning aldini alidu, bu arqiliq soghuq ötüp qélish aghriqlirini peseytidu, jahil yötellerde kishilerning aram élishigha yardem béridu.

8 - éghiz we kékirdek yallughlirini dawalashta ishlitilidighan chöl yalpuzining terkibidiki maddilar éghiz we kékirdek yallughlirigha paydiliqtur. shu wejidin, (qetiy qaynitilmastin)  chöl yalpuzi bilen teyyarlanghan chöl yalpuzi chéyi,  éghiz chayqash arqiliq éghiz we kékirdek yallughlirini dawalash meqsitide ishlitilidu. chöl yalpuzi bilen échinaséye birlikte ishlitilginide, ünümi téximu yaxshi bolidu.

9 - limon we hesel bilen birlikte teyyarlanghan zenjiwil yiltizi chéyi, soghuq ötüp qélish, gal aghriqi we yötellerni dawalashta ünümi yuqiridur. buningdin bashqa yene, zenjiwil, immunitét sistémisini kücheytidu.

10 – qelempurning, éghiz we kékirdek shilliq perdisining yallughlinishigha qarshi ünümi yuqiridur.

11 -  kumilach we parashok sheklide qarimuch méwisi bilen teyyarlanghan chay, éghizni chayqash sheklide istémal qilinghinida, yutqunchaq yuqumlinishning aldini élish we uni peseytishke yardem béridu.

12 - üjme sherbitining, zukam we yuqumluq zukamgha qarshi ünümi yuqiridur.

13 - chöl reyhini we rozémariye qaynitip ichilidu.

14 – ottura hal chongluqtiki piyazni inchike toghrighandin kéyin, üstige zeytun yéghi we limon sélinip, salat teyyarlinidu wa az nan bilen yéyilidu.

15 - samsaqni etigen we kechte istémal qilishqa bolidu.