noruz - türklerning eng qedimki bayramlirining biri
didem öztashbashi teripidin teyyarlanghan «biliwéling» namliq pirogrammimizning bügünki sanida «noruz bayrimi» toghrisidiki uchurlarni siler bilen ortaqlishimiz.
türkiye awazi radiyosi: noruz bayrimining zamanimizghiche dawamliship kelgen eng qedimki türk enenilirining biri ikenlikini anglighanmidingiz?
tarixta oxshimighan usullar bilen tebriklinip kéliwatqan noruz, türklerning eng qedimki bayramlirining biri. türk medeniyitide noruz tughulush, tirilish dégen menilerni bildüridu. shuning bilen bir waqitta, baharning bashlinishi depmu qarilidu. noruz bayrimining yene bir nami «ergineqon bayrimi»dur. bu isim ötmüshtin hazirghiche her xil türk qebililiri arisida hayatiy küchini saqlap kelmekte. noruz ottura asiyadiki orxun rayonidin altaylargha, u yerdin hun türklirining yawropagha yürüsh qilishi bilen wéngiriye we balqan rayonigha yétip kelgen. 9-esirde kaspiy déngizining jenubidin anadolu we mésopotamiyege tarqilip téximu keng jughrapiyelik makangha yéyilghan. türkler tarix boyiche oxshimighan jughrapiyelik rayonlarda yashighan we tarixta oxshimighan dinlargha étiqad qilghan bolsimu, noruzni ezeldin tartipla tebriklep kelgen.
türkiye jumhuriyitining qurulushi bilen birlikte her yili téximu köp kishining ishtirak qilishi bilen téximu qizghin keypiyat ichide tebriklinishke bashlighan noruz, kelgüsidimu türk dunyasining ortaq qimmiti bolushni dawamlashturidu.
