allah silerning bezinglarni bezinglardin riziqta üstün qildi
riziqta üstün qilinghanlar özlirining rizqini barawer bolush üchün qol astidiki qullargha bermeydu, ular allahning némitini inkar qilishamdu?
türkiye awazi radiyosi: nehl sürisi, 65 – 72 - ayetler. allah buluttin yamghur yaghdurup, shuning bilen qaghjirap qalghan zéminda (türlük ziraetlerni) ündürdi, buningda (wez ـ nesihet) anglaydighan qewm üchün, elwette, (allahning qudritining chongluqini körsitidighan) deliller bar[65]. chaharpaylarda siler üchün heqiqeten bir ibret bar. silerni chaharpaylarning qarnidiki mayaq ـ tézektin we qandin ayrilip chiqqan pakiz we temlik süt bilen sughirimiz[66]. (siler üchün yene bundaq ibretmu barki) xormidin, üzümdin sharablar we pakiz yémeklikler yasaysiler, eqilni ishlitidighan qewm üchün buningda heqiqeten allahning birlikini körsitidighan delil bar[67]. perwerdigaring hesel herisige ilham bilen bildürdi: «taghlargha, derexlerge we (kishilerning hesel heriliri üchün) yasighan öylirige uwa tüzgin[68]. andin kéyin, türlük méwiler (yeni gül ـ chéchekler) din yégin, perwerdigaringning yollirigha itaetmenlik bilen kirgin». uning (yeni hesel herisining) qarnidin insanlargha shipa bolidighan xilmu ـ xil renglik ichimlik (yeni hesel) chiqidu. buningda (allahning qudritining chongluqini) pikir qilidighan qewm üchün ibret bar[69]. allah silerni yaratti, andin (ejilinglar pütkende) silerni qebzi roh qilidu, aranglarda ömürning yaman (yeni eng qériliq) basquchigha ulishidighanlarmu bar, ular hetta (bir nersilerni) bilgendin kéyin, héch nersini bilmes bolup qalidu (yeni ilgiri bilidighanlirini untup, küch ـ quwwiti tügep, eqli kémiyip kichik baligha oxshap qalidu). allah heqiqeten (mexluqatni bashqurushni) bilgüchidur, (özi irade qilghan nersini ishqa ashurushqa) qadirdur[70]. allah silerning bezinglarni bezinglardin riziqta üstün qildi, riziqta üstün qilinghanlar özlirining rizqini barawer bolush üchün qol astidiki qullargha bermeydu, ular allahning némitini inkar qilishamdu?[71] allah siler (ning unsi ـ ülpet élishinglar) üchün xotununglarni öz tipinglardin yaratti, siler üchün ulardin oghullarni we newrilerni yaratti. silerge türlük shérin nersilerni riziq qilip berdi. ular batilgha (yeni butlargha) ishinip allahning némitige kufriliq qilamdu?[72]
