atatürk tosmisi heqqide némilerni bilisiz

türkiye awazi radiyosi: sherqiy jenubi anadoludiki firat deryasi boyigha sélinghan atatürk tosmisining türkiye we yawropaning eng chong tosmisi ikenlikini anglighanmidingiz?

adiyaman we shanliurfa wilayetlirining otturisidiki firat deryasi boyigha sélinghan atatürk tosmisining quruloshi 1983-yili bashlanlandi we 1992- yili ishqa kirishtürüldi. énérgiye éshlepchiqirish we sughirish ishlirida paydilinish meqsitide yasalghan bu tosma, 84 milyon 500 ming kub métir tash we tupraq bilen toldurulghan bolup, bu jehette dunyadiki 6- chong tosma hésablinidu. su éléktr istansisimu dunyadiki 5-chong éléktr istansisi bolup, türkiyediki su éléktr istansilirida ishlepchiqirilidighan énérgiyening 20 pirsentini öz aldigha ishlepchiqiridu.

pütünley türk ishchiliri we inzhénérlirining emgek teri bilen pütken bu chong tosmining gewdisi 80 ay ichide tamamlanghan bolup, tosmining yasilishi sayisida barliqqa kelgen 817 kwadrat kilométirliq süniy kölde xelqaraliq su tenheriketliri bayramliri ötküzülmekte we tenheriketchiler yelkenlik kéme, skuba we su üzüsh qatarliq türler boyiche musabiqilerge chüshmekte. uningdin bashqa, ammiwi qatnashqa qolayliq yaritish meqsitide paraxotlar qatnimaqta. tosma köli yene béliq tutush jehette yerlik ahalini muhim kirim menbesi bilen teminlimekte.