giruziyede ötküzülgen omumiy saylam

 «yawroasiyagha nezer» namliq pirogrammimizning bügünki bölümide, abdresul ishaqow teripidin teyyarlanghan «giruziyede ötküzülgen omumiy saylam» témiliq analizni diqqitinglargha sunimiz.

giruziyede 2020-yili 31-öktebir omumiy saylam ötküzüldi. 10-nöwetlik parlamént ezalirini saylap chiqish üchün, 3 milyon 500 ming saylighuchidin texminen 2 milyon kishi bélet tashlidi. saylam küni, 6 ming zhurnalist, 47 ming yerlik we chet ellik közetküchi, 80 mingdin artuq partiye wekili omumiy saylamni közetti.

giruziye merkiziy saylam komitétiningbildürüshiche, saylamgha qatnashqan 48 partiye bilen 2 saylam guruppisidin toqquzi% 1 lik saylam bosughisidin  halqip öteligen. hakimiyet béshidikigiruziye tesewwur partiyesi% 48 awazgha ériship, ghelbisini élan qilghan. öktichilerning birleshme milliy herikiti-birleshme öktichiler saylam guruppisi aran% 27 awazgha érisheligen. ghelibe qilghan bashqa partiyelerning awazgha érishish nisbiti% 4 ning astida qalghan.

saylam netijisige étiraz bildürgenler, saylam netijilirining bikar qilinishi üchün, 1-noyabirdin bashlap namayishötküzmekte. öktichilerning chong namayishi 8-noyabir küni ötküzüldi. parlaméntqa kirishte muweppeqiyet qazanghan 8 partiye we ghelibe qilalmighanlar, muddettin burun saylam ötküzülüshini, merkiziy saylam komitétiningbashliqining wezipisidin istépa bérishini we siyasiy mehbuslarning qoyup bérilishini telep qilmaqta. ortaq bayannamige imza qoyghan öktichi partiyeler özlirining ispat xétini almaydighanliqlirini, hökümet teleplirini orundimighan teqdirde, heriket pilanini élan qilidighanliqlirini bildürdi.

parlaméntning xizmitini bashliyalishi üchün, saylanghan wekillerning yérimidin köprekining choqum ispat xetliri bilen parlaméntning paaliyetlirige qatnishishigha toghra kélidu. hökümet bu sangha alliqachanériship bolghan. lékin, wekillerning yérimini teshkil qilidighan öktichilerning öz ornida olturmasliqi, döletning muqimliqigha biwasite tesir körsitidu.

giruziye parlaménti 150 wekildin terkib tapidighan bolup, 150 wekilning 120 si nisbet sistémisigha, 30 i köp sanliq tüzümge asasen békitilidu. köp sanliq tüzüm boyiche ikkinchi basquchluq saylam 16 saylam rayonida 21-noyabir küni ötküzülidu.

giruziye tesewwur partiyesi üchinchi qétim chong saylamda ghelibe qildi. hökümetning, bolupmu «wuxen wirusi» yuqumiotturigha chiqqandeslepkimezgillerde qollanghan tedbirliri, partiyening nopuzining yuqiri kötürülüshige seweb bolghanidi. lékin, küz peslide «wuxen wirusi» yuqumining döletmiqyasida kengtarqilishqa bashlishi we bu dairide yolgha qoyulghan cheklimiler sewebidin, iqtisadning qiyin ehwalgha chüshüp qélishi, hökümetning ishini qiyinlashturmaqta.

öktichi sewiyesige chüshüp qalghan sabiq pirézidént mixail saakshwili, uzun yillardin buyan dölitige qaytip kélelmeywatidu. dölette zor islahatlarni élip barghan bolsimu, lékinrusiyebilenurush qilip, hakimiyitini saqlap qalalmighan mixail sakashwilining dölitige qaytish arzusi, bu qétimqi saylamdimu ishqa ashmidi.

giruziye dölet bixeterlik orgini, 6-noyabir küni, bayanname élan qilip, bir türküm sabiq dölet xewpsizlik küchlirining wekilliridin teshkil tapqan we asasiy qanun tertipini aghdurushqa urunuwatqan bir guruppining barliqini bildürdi.

hökümet, «wuxen wirusi» bilen yuqumlanghuchilar sanining künige 3 minggha yetkenlikini seweb körsitip,   9-noyabirdin bashlap chong sheherlerde birqatar cheklimilerni yolgha qoydi. «wuxen wirusi» yuqumi we cheklimiler, öktichilerning namayish ötküzüshini qiyinlashturuwétidu.

giruziye parlamént tüzümini yolgha qoyuwatqan dölet bolghanliqtin, omumiy saylam nahayiti zor ehmiyetke ige. shu wejidin, öktichiler kürishini izchil dawamlashturidu. lékin, qarabaghda toqunush dawamlishiwatqan peytte, giruziyening  döletichide siyasiy muqimliqini saqlishi intayin muhim.