ukraina pirézidénti wladimir zéléniskining türkiye ziyariti

«yawroasiyagha nezer» namliq pirogrammimizning bügünki bölümide, abdresul ishaqow teripidin teyyarlanghan «ukraina pirézidénti wladimir zéléniskining türkiyeziyariti» témiliq analizni diqqitinglargha sunimiz.

2020-yili 16-öktebir ukraina prézidénti wiladimir zéléniski türkiyede ziyarette boldi. istanbulda jumhur reis rejep tayyip erdoghan bilen ayrim we heyetler ara uchrishishlarni élip bardi. uchrishishlardin kéyin, ikki döletning dölet mudapie ministirliri teripidintüzülgen«herbiy ramka kélishimi»,türkiye dölet mudapie sanaiti orginining bashliqi ismail démir bilen ukraina dölet mudapie ministiri andréy taran otturisida imzalandi. buningdin bashqa yene,jumhur reis erdoghanbilenukraina pirézidénti wladimir zéléniskiteripidinqoshma bayannameélan qilindi.

imzalanghan dölet mudapiesi sanaitilayiheliri dairisidiki «niyet bayannamisi»,   türkiye bilenukrainaning urush paraxotliri, qoralliq uchquchisiz hawa apparatliri,  her xil turbinliq motorlarni yasash qatarliq ortaq layihelerni ishqa kirishtürüsh we yolgha qoyushni mezmun qilidu. ziyaret dairiside,  ikki döletning mudapie ministirlirimu  ayrim yighin achti. yighinda, rayonluq mesililer, ikki tereplik mudapie we bixeterlik mesililiri muzakire qilindi. ukraina dölet mudapie ministirliqi heyiti türkiye mudapie sanaiti muesseselirini ékiskursiye qildi.

ikki döletning rehberliriteripidinimzalanghanqoshma bayannamide, türkiyening  ukrainaning shimaliy atlantik ehdi teshkilatigha eza bolushini qollaydighanliqi otturigha qoyuldi. hemmige melumki, ukraina shimaliy atlantik ehdi teshkilatining «kücheytilgen pursetler shériki dölet» depatilidu. ukraina bilen türkiye qaradéngizda birleshme charlash paaliyetlirini élip barmaqta. buningdin bashqa yene, shuni tekitlesh kérekki, köp sandiki ukraina herbiy xadimliri türkiyede terbiyelenmekte.

bayannamide, türkiyening ukraina ishqa kirishtürgen «qirim munbiri» ni qollaydighanliqi bildürüldi.«qirim munbiri»,xelqarasahede qirimliqlarning  heq - hoquqlirining qoghdilishi we yérim aralning ishghaldin azad qilinishi üchünpaaliyetlerni élip baridu. türkiyeukrainaningtürk kéngishige ezawe islam hemkarliq teshkilatigha közetküchi eza bolushini qollaydu.

istanbuldiki uchrishishta,  ukraina bilen türkiye «ikki qoshulghan ikki» formatsiyeside yilliq yighinlarni chaqirishni qararlashturdi. buningdin kéyin, ikki döletning dölet mudapie we tashqi ishlar ministirliqliri birleshme yighinlarni ötküzüp, munasiwetlik mesililerni téximu ünümlük hel qilishqa bashlaydu.

ukraina jumhuriyitining muawin bash ministiri we istratégiyelik sanaetke mesul ministiri olég uruski,  ikki dölet rehberlirining 23-öktebir istanbulda «miriya ayropilanini birlikte tamamlash» mesilisitoghriliqmumuzakireélip barghanliqini jakarlidi.

ukraina pirézidénti wladimir zéléniskiistanbul ziyaritidin kéyin, ukraina parlaménti radada qilghan sözide, «ukraina bilen türkiye munasiwetlirimislisizsewiyede» dédi. heqiqetenmu ikki dölet munasiwetliri yéqindin buyan nahayiti téz we yüksek sewiyede tereqqiy qilmaqta. ukrainaning asasliq nishani,türkiyening qoralliq uchquchisiz hawa apparatlirini ortaq ishlepchiqirishtur. türkiyemu ukraina ishlepchiqarghan turbinliq motorgha qiziqidu. istanbulda imzalanghan kélishim, bu sahediki hemkarliqqazémin hazirlap bermekte.

«wuxen wirusi»  yuqumigha qarimay, bu yil 500 ming ukrainaliqning türkiyede sayahette bolushi, bir qisim mehsulatlardin baj élish tüzümining bikar qilinishi, özara «medeniyet künliri» paaliyetlirining ötküzülidighanliqining bildürülüshi qatarliqözgirishler,ikki dölet munasiwetlirining türlük sahelerde küchiyiwatqanliqidin dérek bermekte.shuni késip éytishqa boliduki, zéléniskining bixeterlikni asas qilghan istanbul ziyariti, ikki dölet munasiwetlirining téximu tereqqiy qilishigha töhpe qoshidu.