denizlidiki fosillar (tashqatmilar) heqqide némilerni bilisiz

denizlida tarixni yorutup béridighan nurghun fosillar (tashqatmilar)ning barliqini anglighanmidingiz?

türkiyening gherbi qismigha jaylashqan denizli wilayitide élip bérilghan yer yüzi tetqiqatida, texminen 1 – 2 milyon bilen 9 milyon yillar ilgiri yashighanliqi texmin qiliniwatqan kerkidan qatarliq sekkiz xil haywangha ait fosillar bayqaldi. alimlar, fosillarning, yene denizlidin 2002 – yili tépilghan anadoluning eng qedimiy adimi bilen yene shu dewrge tewe insanlarning haywanlar bilen tesirlishishini tetqiq qilish nuqtisidin nahayiti muhim ikenlikini eskertidu.

denizlida 2017 - yildin buyanqi tekshürüshler jeryanida nurghun haywanlargha tewe fosillar bayqaldi. eng axirqi qétim tépilghanlar fosillar ichidiki kerkidan fosili, kerkidanlarning muz dewride denizlide yashighanliqini körsitip béridu. töwenki éngektin terkib tapqan bu kerkidan tash qatmisini tekshürgen mutexessisler yawropadimu bundaq yaxshi saqlanghan töwenki éngekning yoqluqini we bu nuqtidin buning nahayiti muhim bayqash ikenlikini otturigha qoymaqta. uningdin bashqa, eng yéngi tetqiqatlar sayisida tépilghan we anadoluda anche bilinip ketmeydighan chümülixor tash qatmisimu diqqetni tartmaqta.