altun safran kino – filim féstiwali (bayrimi)

b d t maarip, pen, medeniyet teshkilati – yunéskoning dunya medeniyet mirasliri tizimlikidin orun alghan safranboluda bir xelqaraliq filim féstiwalining ötküzülgenlikini anglighanmidingiz?

osmanli binakarliq senitini pütün yarqinliqi bilen birlikte bügünki küngiche élip kelgen tarixiy sheher – safranbolu, 1994 - yili 12 - ayning 17 -  küni yunésko teripidin «dunya medeniyet mirasliri tizimliki» ge kirgüzülüp , insaniyetning ortaq mirasigha aylandi. bu medeniyet miraslirini eng yaxshi shekilde tonushturush we qoghdashqa kapaletlik qilish üchün nurghun xizmetler ishlenmekte. ularning biri 2000 - yili bashlanghan altun safran höjjetlik filim féstiwalidur.

bu féstiwal 2004 - yili xelqaraliq ölchemge ötüp, pütün dunyagha échiwétilgen bir paaliyetke aylandi. xelqara altun safran höjjetlik filim féstiwali «medeniyet mirasliri we qoghdinish» témisi dairiside tarixi , medeniyet we tebiiy muhitni kelgüsige yötkeshni meqset qilidu. féstiwal mezgilide , höjjetlik filimlernila emes , belki safranboluning tarixiy öylirini , qehwe mulazimiti , xéne kéchisi , toy , tamaq , yerlik kiyim - kéchek we esirlerdin buyan dawamliship kelgen medeniyet qimmet qarashlirinimu körüwalghili bolidu.