taxta qushlar étnografiye muzéyi
didem öztashbashi teripidin teyyarlanghan «biliwéling» namliq pirogrammimizning bügünki sanida «taxta qushlar étnografiye muzéyi» dégen témidiki uchurlarni siler bilen ortaqlishimiz.
türkiye awazi radiyosi: qaz (ghaz) taghlirida türkiyening tunji shexsiy étnografiye muzéyining barliqini anglighanmidingiz?
balikesirning edremit nahiyesige qarashliq taxtaqushlar yézisida shexsiy étnografiye muzéyi bar. taxtaqushlar yézisida dunyagha kelgen oqutquchi alibey qudarning türkmen medeniyitini untuldurmasliq üchün qurghan muzéyda, ottura asiyadin hazirghiche dawamliship kelgen yaghachchi türkmenlernng medeniyet mirasliri körgezme qilinmaqta. bularning arisida türkmenler teripidin ishlitilgen ülgilik bir chédir , burunqi chaghlarda ishlitilgen aile buyumliri , türkmenlerning kiyim-kéchekliri , pul xaltiliri , égerler we gilem qatarliqlar bar. muzéy ichidiki xanilerning biri alahide senet eserlirini körgezme qilishqa ajiritilghan.
muzéydiki diqqetni eng küchlük jelip qilidighini bolsa, dunyada körgezme qiliniwatqan ichi toldurulghan eng chong tére sirtliq déngiz tashpaqisidur. emeliyette , jenubiy amérika déngiz qirghiqida yashaydighan tashpaqa yolini adiship ege déngizigha tuyuqsiz kélip qalghan, 1997-yili béliqchilarning torigha ilinip qélip ölgen. éghirliqi 360 kilogiram , uzunluqi 197 santimétir kélidighan déngiz tashpaqisi buzulup qalmasliqi üchün her yili alahide madda bilen yéngilinip turidu. paraxot pirqirighuchigha soqulup kétip yarilanghan 105 yashliq yene bir déngiz tashpaqisimu chong tashpaqining yénida körgezme qilinmaqta.
